ماذا ينقص مدينتنا الغاليه من وجهة نظركـ....

[بندول]

السلام عليكم ورحمة الله وبركاته




كيف احوالكم مع الصوم عسى العلوووم تمام...



في البدايه ماودي اتفلسف على الفاضي وادخلكم من هنا .. واطلعكم من هناكـ وبالاخير ماأفهم شي انا اولا وبعدين انتم...



المهم العنوان واضح من عنوانه..


كل واحد بالمنتدى ذكر ام انثى شايب ولا شباب ...مسعوووول (مسؤل) ..او مثل حالي لاحتي ولا فتي..


ابيه الله لايهينه بعد مادخل الموضوع يطلع وينزل الدبلوماسيه والرسميات والفلفسه يخليهن برا ويدخل عشان يسطر ويبدع هنا ...


نعم هنا نقبل كل شي رأيك نستقبله بكل رحابة صدر حتى لو هو (مهو يمهن) نستقبل اي شي وانشاء الله ارائكم كلها منتازة ..

نعم هنا ادخل وتفضل بصدر المجلس وسولف على راحتك ((ماعليك)) ماراح ينتقدك احد ولا راح يشمت بك بشر..


بعد هالحوسه كله ...

اللي ابيه ياشباب وياشابات وش ينقص مدينتنا الغاليه ..


الي اقصده وش ينقص مدينتنا ... وش ينقصها من الخدمات اللوجستيه ((مادري وش معناها بس دايم اسمعها))


اللو جستيه تعني الخدمات المساعده والتي لا يمكن للبعض الاستغناء عنها....



انا طولتها عليكم وهي قصيره .. يقولون الصدر الشمالي وسيع كما الدهنا ..((خذ الحكمة من افواهـ العقلاء )) (العقلاء ولا جزاء)) بس لايكثر .... ..


وانا من وجهة نظري ان ماينقصنا هو..


صرافه للإيداع النقدي اللي تودع الدارهم على طول بحسابكـ,,.. مايحتاج ضروف وحوسه ...



وانتظر منكم ارائكم وانشاء الله انا بدوري اقدمها للسلطات والمسعولين....




ودمتم بخير وصحة وسلامه واسف على الاطاله,..






مودتي

الهواوي

[العالمي]

المهم العنوان واضح من عنوانه..


هذي تكفيني هههههههههههههههههههههههههه

وشلون تجي يا الهواوي العنوان من عنوانه

أنا الي خابره الموضوع باين من عنوانه ^_^

المهم يا الغالي بالنسبة للخدمات التي تنقص فهي كثيرة ولكن سوف أذكر الأهم

1- مركز رعاية مرتب ومجهز كسائر المراكز في القرى الأخرى .

2- صيدلية ايضا مجهزهـ من والى .

هذا بالنسبة للقطاع الصحي فهو يهمني اكثر .

3- مثل ما قلت يا الهواوي صراف وفيها إيداع .

4 - الإنارة + السفلته في بعض الشوارع .


ع العموم الله يعطيك العافية على اهتمامك وتقبل مروري

[العمدة]

هههههههههه لا تدقق يالعالمي

الصوم وعامل عمايلوه....


في البدايه ماودي اتفلسف على الفاضي وادخلكم من هنا .. واطلعكم من هناكـ وبالاخير ماأفهم شي انا اولا وبعدين انتم...

فعلا خليت الفلسفة بالاخير هههههههههه

وبعدين تعال ليش تبي رأينا وانت على قولتك لا حتي ولا فتي...

لا تزعل ترى نمزح وخل الصدر شمالي مثل ماقلت


الهواووي حياك ربي وبياك وجعل الجنة مثوانا ومثواك

طرح جميل من شخص جميل بجمال اسلوبك يالهواووي

لا خلينا ولا عدمنا هالطلة يالطربة

انا اوأفقك الرأي واوافق اخي المتميز العالمي


واضيف الدفاع المدني ضرورة من ضرورات الحياة

بالاضافة الى مستشفى ترقيد وليس مجرد مركز صحي

ولي عودة ان شاء الله مع مزيد من الخدمات المفقودة في المدينة

إذا ماجابوها الاخوان ،، بس ابترك المجال لغيري حتى الجميع يتفاعل

تقبل مروري المتواضع لصفحتك المميزة

[بندول]

هذي تكفيني هههههههههههههههههههههههههه

وشلون تجي يا الهواوي العنوان من عنوانه

أنا الي خابره الموضوع باين من عنوانه ^_^

المهم يا الغالي بالنسبة للخدمات التي تنقص فهي كثيرة ولكن سوف أذكر الأهم

1- مركز رعاية مرتب ومجهز كسائر المراكز في القرى الأخرى .

2- صيدلية ايضا مجهزهـ من والى .

هذا بالنسبة للقطاع الصحي فهو يهمني اكثر .

3- مثل ما قلت يا الهواوي صراف وفيها إيداع .

4 - الإنارة + السفلته في بعض الشوارع .


ع العموم الله يعطيك العافية على اهتمامك وتقبل مروري





العالمي الله يهديك انا متعمد يوم اقول العنوان واضح من عنوانه ....اقرب مخرج ....


وبعدين مثلكـ عارف الصوم وما يفعل ...




الف شكر على طلتك البهيه يالغلا...

[بندول]

هههههههههه لا تدقق يالعالمي

الصوم وعامل عمايلوه....




فعلا خليت الفلسفة بالاخير هههههههههه

وبعدين تعال ليش تبي رأينا وانت على قولتك لا حتي ولا فتي...

لا تزعل ترى نمزح وخل الصدر شمالي مثل ماقلت


الهواووي حياك ربي وبياك وجعل الجنة مثوانا ومثواك

طرح جميل من شخص جميل بجمال اسلوبك يالهواووي

لا خلينا ولا عدمنا هالطلة يالطربة

انا اوأفقك الرأي واوافق اخي المتميز العالمي


واضيف الدفاع المدني ضرورة من ضرورات الحياة

بالاضافة الى مستشفى ترقيد وليس مجرد مركز صحي

ولي عودة ان شاء الله مع مزيد من الخدمات المفقودة في المدينة

إذا ماجابوها الاخوان ،، بس ابترك المجال لغيري حتى الجميع يتفاعل

تقبل مروري المتواضع لصفحتك المميزة




العمده يالغالي بدينا بالشماته ....



ولا يهمك ياغلاهم ننتظرك وونتظر اراء بقية الاعضاء....

[مخاوي الدرب]

السلام عليكم ::::


الله لايهينك أخوي الهواوي .....عالموضوع المزركش ..

والله أنا عندي عدّة ملاحظات .. منها . لو تكرمتوا

1/ يضعون صرافه ثانيه ، ولو تكون الصرافه اللي تصرف منها وانت بالسياره ،


2/ إشارات مرور ، ولوان الأجفر ( من سبق لبق )... بس يالله ..


أقدم الشكر مره ثانيه أخــ الهواوي ـــوي ....

[هــدلان]

بداية


السلام عليكم ورحمة الله وبركاته


مشكورا اخوي الهواوي


انا ارى ان النواقص كثيرة جدا بجميع الادارات الحكومية والموسسات

بداية من الامارة ونهاية بالجمعية

ولكن وهذا راي اعتقد بانه يوافقني عليه الاغلبية

لو ان الهواوي مثلاً دخل على صفحة الاتصالات السعودية واشترك فيها

وارسل برقية من هناك وهي تحسب على فاتورته

الى الشئون الصحية مثلاً او الامن العام او شركة الراجحي او التربية والتعليم او او

و اوضح النواقص وما يتطلبه الوضع بالاجفر ........ لرئينا نتيجة عاجلة باذن الله


.............................. .....


ومن هنا اقترح عليك اخوي الهواوي انت بحكم انك تطالب بصراف للراجحي

ان ترسل برقية باسمك ونيابة عن الاهالي الى شركة الراجحي وتشرح لهم الوضع

وتطلب ما تطلب حتى اتمنى ان تطلب ان يكون هناك مبنى للبنك رسمي

وعن نفسي انا اتكفل بارسال برقيات وليست برقية واحدة

لشركة الاتصالات ممثالة بالجوال والهاتف لدعم الاجفر بالجيل الثالث وخدمة الدي سي ال

واتمنى من يتكفل بارسال برقيات اخرى للجهة التي يرى بانها مقصرة

او يطلب بدعم منها او اصلاح حتى تكون النتيجة اسرع



هذا مجرد اقتراح

شكرا لك يالهواوي مرة اخرى

[لن أنساكم]

أرى ينقصها شقق للموظفين العزاب وكذلك الشقق المفروشة للعوائل وتكون باسعار مناسبة حيث أن الموجود لايكفي ومرتفع السعر والحقيقة ينقصها لجنة للتنمية الإجتماعية وكذلك معلمين مؤهلين لحلقات تحفيظ القرآن الكريم وكذلك نادي رياضي متكامل يرعى مواهب شباب الأجفر ،

[The Best]

مثل ما ذكر ان النواقص كثيرة لكن اذكر منها



وجوب وجود ارصفة للمارة (اذا تمشي على رجلينك و جاك شايب مطفي النور وداعس يا تزبن لوسط اقرب دوار او تنقز الجدار اللي جنبك تقول بس)

وضع المحلات ذات النشاط الواحد بجانب بعضها او قريبة من بعض مثل محلات الخضار والفاكهة ومحلات الجوالات

وضع مطبات صناعية عند مدخل الشوارع الفرعية على الشارع الرئيس

وايضا وضع مطبات صناعية كبيرة وكثيرة عند مداخل المدينة طريق الخوير المفرق والرديفة



وغيرها كثير اذا تذكرنا منها شئ راح نمر على الموضوع

مشكور يا الهواوي على الطرح وان شاء الله يستفيد منه الجميع ويتم ابلاغ اهل الشأن مثل البلدية

[النادر]

مشكور يالهواوي على الموضوع الاكثر من رائع ..

لقد ذكرتني اخي الغالي عندما طرح اخينا ومشرفنا القناص قبل فترة بعنوان

برايك ماذا يحتاج الاجفرررررررر .. كان رد احد الاخوان وعلى ماعتقد عاشق البر

نبي فرع للكلية الامنية والحرس ... واحدهم يبي المستشفى ما يسكر المغرب ..ويقول

اول مرة اشوف مستشفى يسكرررررررررر المغررررررررررب ..


..........

نعم اخي الاجفر تحتاج الكثير ...

اهم شي انها تحتاج لجنة مكونة هدفها متابعة كل متطلبات الاجفر ...

هذا بالبداية ...

وبعدها راح نرفع لهذه اللجنة جميع ما نحتاجه والتي من أهمها

الدفاع المدني .....

كل الشكر اخي الغالي على الطرح الجميل ....

[بندول]

مخاوي الدرب ..


اشكر لك مرووورك اولا ..

من ناحية الصرافه الخارجيه فكرة مميزة ولكن اعتقد المكان ضيق وما يساعد..

اما عن الاشارات اعتقد ماتستاهل الدعوة كل هالتضخم هذا هو شارع واحد بالله عليك وين يحطون اشارة ....



ولكن ولا يهمك نبي نرفع باقتراحك للجهات المعنيه ويصير خير...






هدلان ..

فعلا رأيك عين الصواب لاخلا ولا عدم وجاري العمل بنصيحتك ياغلاهم...






لن انساكم ..


كل اللي ذكرتهم ممكن ان تكون عما قريب في المستقبل البعيد والقريب..



اما عن النادي الرياضي ...


اعتقد ان اخواننا في الرئاسة العامة لرعاية الشباب ..

في عام 1408 وبقرار من مجلس الشورى رقم( 1287/5 )اصدر بمنع فتح اندية رياضيه الى اجل غير مسمى ...


الا اذا تكفل واحد على كيسه هذا شيئ ثاني...




ع العموم شاكر لك هالمروووور الرائع ...




اما انت اخي (الأفـــــــــــــضل)


اراء جدا نيره وبدوري انا انشاء الله ارفعها للمسعولين ...





النادر..





اعتقد الدفاع المدني عما قريب انشاء الله سوف يكون بالاجفر واعتقد على حسب ماسمعت انه سوف يكون بدل المستوصف حاليا بعد مايتم نقله الى المبنى الجديد ...




وشاكر لك مرووورك العذب ياغلاهم...

[إبــتــســم دائــمــاً]

فعلاً تشكر اخي في الله الهواوي على هذا الطرح ولو ان الموضوع اشبع

من قبل الا اننا بحاجه وكما قال اخي هدلان الى تطبيق ذلك على ارض الواقع

وليس قول فقط عن طريق بعض الاماني اللتي تجول بخواطرنا ..

لذا اقول اولاً :

الا حظ ان البعض يبالغ في طلباته ومن هنا يأتي الخطأ في تحديد المتطلبات الضروريه

اللتي يتطلبها الاجفر وحسب الاولوليات ومن وجهة نظري ان سبب وقوع الكثير منا

في مدى ادراكه لما نحتاجه نحن كسكان للاجفر يعود الى صعوبة تحديد المكان ..

واقصد من ذلك ان الاجفر قريه وليست مدينه ولنقل بلده حتى لاتغضب علينا ثقافة

البعض ومن هنا يجب الا نحلم باشياء يصعب تحقيقها او حتى لا داعي لوجودها

الشيء الوحيد اللذي اتمنى وجوده في الاجفر هو مستوصف خاص اهلي ذو امكانيات

عاليه اما باقي الاحتياجات فمن الممكن تعويضها او ايجاد بديل مناسب لها .

تحياتي لك ..

ابتسم دائماً...

[بندول]

ابتسم ... ااااه ياأبتسم يامحلا اطلالتك الحلوة على صفحتي المتواضعه..



ابقولك شي ياغلاهم ...


تعتبر الاجفر ثالث (مدينه) على مستوى المنطقه من تعداد السكان والمساحه ...
الاولى مدينة حائل ..

يليها بقعاء ..

ويليها الاجفر..





بالله عليك ليش عندنا الخدمات ماتكتمل كلها ...


الكهفه وهي الكهفة على صغرها ينقال لها مدينه ...


والاجفر ماتبينا نقول لها مدينه .. ياعيب الشوم عليكـ...



خلنا نحلم وخل كل واحد منا يقول اللي في خاطره ماتدري يمكن انشاء الله تجيب نتيجه....




شاكر لك المرووور يالغلا وعلى اطلالتك البهيه ...

[العمدة]

عدنا يالهواووي مرة اخرى


فواز الشويش( ابو اريام يقول نبي فرع للبحرية بالقاع نداوم به فترة الشتاء ) نخلي السفينة ترسي بجنب الملعب)خخخخخخخخخخخ

انا ابرد على اخي وحبيبي ابتسم دائما


هو معاه حق ومامعاه حق بمعنى .... ان النظام يطلق مسمى مدينة ع المدينة التي يوجد بها بلدية حتى ولو كانت بيت واحد،،،،،

ولكن الاجفر أُطلق عليها اسم مدينة من اعلى سلطة بلدية في منطقة حائل

ومن اطلق عليها مسمى مدينة هو الاستاذ/ عمّار العمّار عند افتتاحه مركز الخدمات البلدية بمدينة الاجفر ووافقه على هذا المسمى محافظ بقعاء،،، الشنيفي


هذا ماوددت ايضاحه ودمتم

[بندول]

اهلين وسهلتين عمدتنا ..


بلغ ابو اريام اني كلمت ادارة التكييف المركزي واتحاد الكيرم وسمحو اننا نحط بالقاع فرع للبحريه ...



غالي والطلب رخيص ياخالو....

[abu meshari]

الله يوفقكم اتمنى اتمنى ان ترى طلباتكم النور......... ولكن نفس الطلبات كنا نطالب فيها

[أبوعليوة]

شكرا على الموضوع اللافت.
مشاركتي على شكل نقاط للاختصار.
1:- سبقوني بها وهي توسعة وسفلتة داخلية للشوارع وصيدلية وصراف .
2:- سكن حكومي ومستقل خارج المدينة للعمالة الاجنبية.
3:- تواجد جدي للشرطة فان ذلك يحتم على كل من يريد ارتكاب المخالفة التفكير فيها وفيما يتبعها من عقوبات وعواقب.

[الباحث عن المستحيل]

انا ودي بنده تكون بالأجفر او ان الدهيش يفتح اربع وعشرين ساعة ذبحنا الجوع صرنا نخزن من بدري بالمستودعات تقل داخلين بحرب مع اني خميس وجمعة بالأجفر بس يارجل هلكنا.

[أبوسعيد]

ينقص الأجفر
نادي رياضي
مجمع مدارس للبنات
مجمع ترفيهي يتكون من صالة ألعاب بلياردو وبلاستيشن وكوفي وتنس ومسبح وبخار وجاكوزي وساونا وكمال أجسام

[الضيغمي]

اول شي بسم الله الرحمن الرحيم
احم احم
نبد
1: سوبر ماركت او تموينات تكون فاتحه 24 ساعه OK
2:مطاعم فيها انواع الاكلات وتكون فاتحه 24 ساعه الا بالظهرو لديها سيارات توصيل الطلباتOK3:منتزه رجالي وفيه انوار OK
4:منتزهات نسائيه بر الاجفر يعني قريب من القاع OK
5:عماله اتراك (تركي الجنسيه)OK
6:مركز تأجير سياراتOK
7:مكتبات مدرسيه كبيرهOK
8:اسواق نسائيه كبيرهOK
9:محل لوازم الرحلات البريهOK10:عمال الشوارع والقمامات (اعزكم الله)OK
11:مشتل ورودOK
واعتقد اني طولتها
وهذا نص اللي عندي وشلون لو اطول عليكم
ولنا عوده لهذا الموضوع الجميل

[احس احساس]

جميل كل ماتطرقتوا اليه

نأمل أن تتكاتف الإيدي لنيل المطلوب

من راس الهرم في مدينة الأجفر الراقي (( حلو )) إلى أصغر المهتمين

والله يطرح اللي فيه البركه

[نايف الناهي]

مع ان الموضوع قديم

لكن لامانع من التجديد

وهذا لتميز الموضوع وصاحبه

اليوم 9\12\1429 هــ

يوم عرفه وبكرى العيد

والحفر الي بالشارع العام من قبل شهر ونصف

يمديهم حفروا ومددوا وزفلتوا

لكن لالالالالالالالالالالالالالالا لالالالالالالاتعليق على مايجري


ينقصنا في مدينتنا :
زفلت

ضد الكسر

وضد الحفر

وضد التصدع



تحيااااااااااااااااااتي

[محمد العواد]

شكراً على هذا الموضوع الاكثر من رائع
من وجهة نظري الاجفر تحتاج الى عدة اشياء منها:
1ـمستشفى متكامل من جميع النواحي
2ـدفاع مدني
3ـنادي رياضي متكامل
4ـدي سي ال والجيل الثالث
5ـحديقه اومنتزه متكامل
6ـمجمع تجاري متكامل
هذي اتوقع ابرز ماينقص الاجفر وشكراً الهواوي ويعطيك الف عافيه

[مجنون يوسف]

الاجفر يحتاج لكثير من الخدمات لكنها تقرق با الاهميه
1 الاجفر يحتاج الى مستشفى حكومي كبير
2يحتاج هلال احمر ودفاع مدني
3 يحتاج منتزه خاص با العوئل
4 يحتاج الى صيانة شوارعه الي ذبحتنا بالحفر

موضوع جميل ومهم يالهواوي

[بندول]

ابو مشاري ..

ابو عليوه..

الباحث عن المستحيل ..

الضيغمي..

نزف المشاعر..

ابو سعيد ..

نايف الناهي ..

محمد العواد ..

مجنون يوسف ..

اشكركم اولا على اعادة الروح لهذا الموضوع ..

واشكركم ثانيا ع المرووور ..

وبعض مطالبكم سوف تتم في المستقبل القريب .. والبعض الاخر اظن تبون تتطفشون وانتم تنتظرونها ..

مودتيي وبالتوفيق للجميع ,,ـــا

[الرفحاوي]

ينقصها سلاح حدود

[من الخفجي]

ينقصها سلاح حدود

هههههههههههه كلن على همه سرى..

تحياتي لك يالرفحاوي

[بندول]

ينقصها سلاح حدود

يابعد قلبي ..

والله لو اليد بيدي كان حطيت كل الوزارات والقطاعات بالاجفر خخخخخخخخخخخخخخخخخخ

لاهنت يابعدي واهلا بك بعد طول غياب ....


..

لاهنت من الخفجي ع المرووور ..


وش صار على موضوع الرجال اذا اعطاك خبر اكيد بلغني تراني على اهبة الاستعداد ..