أحلام .. و .. أوهام

[ولد روق]

يقول من داسه زمانه بالأقدام = ويذكر فرح عمره مثل روس الأقلام
.
نادر انا لو باشتكي من نصفني = وانا خصيمي حظ واحلام وأوهام
.

صبّرت نفسي قلت لابد تنفرج = عندي شعور بموعد السعد قدام
.
وقّفت في طابور وقتي وأنا ارتجي =يمكن تعدل ترفع لحظي اعلام
.
وخايلت ضوح النور عن بعد وأشرقت = شمسي .. وقلت ابشر ترى الحظ مانام
.
واسرعت بالخطوه ابي اعانق الضحى = عناق كافر لأعتنق دين الاسلام
.
وإرتج فيني الكون وأثقلت خطوتي = ثم شفتلي شايب منكس لي إبهام
.
وأبشع معاني السخرية وسط بسمته = وحوله طيور شاحباتٍ كالاصنام
.
يقول انا حظك وهذي طيورك = اللي تسميها مقاصد أو أحلام
.
انا وقفت الك بطريقك وغايتي = تعيش مهما تعيش وتموت منظام
.
فزيت من نومي على صوت ضحكته = ذي عادته لأمسيت يجهم بي جهام
.
جمّعت باقي الصبر عندي وحيلتي =بدابها النقصان والحظ ماقام
.
ذي قصة احلامي بعد صبر قلتها = عفوا أقول احلام وانا أقصد " أوهام "
__________________

[المهاجـــر]

أخي الغالي ولد روق


قصيده رائعه وجزله .. وبها من المعاني الشيء الكثير .. فقد أعجبتني كثيراً .. وأقولك أخي ولد روق .. نعم أنت شاعر رائع .. وأرجوا تسجيل أعجابي الشديد بما تنثره من ورود معطره ورائعه بالشعر الجزل .................. دمت برعايته


مــــــــــــــــــــــودتي 000000

[فالح الناهي]

نادر انا لو باشتكـي مـن نصفنـي *** وانا خصيمي حظ واحـلام وأوهـام

ولد روق ... صح لسانك وسلم بنانك

أبيات رائعه مع مافيها من ألم

الله يجعلك حظك ماينام يالغالي

دمت ودام قلمك المبدع

[بندول]

والله وبصراحه انا تعقدت من الشعر ومن الخواطر وجميع الأقسام الأدبيه مع اني احاول اني استمتع زي اول ...





لكن عجززززززززززززززززت..



وهذي يمكن اول مشاركة لي بهذا القسم بس عشان خاطر ولد رووووووووووووق

[ولد روق]

أخي الغالي ولد روق


قصيده رائعه وجزله .. وبها من المعاني الشيء الكثير .. فقد أعجبتني كثيراً .. وأقولك أخي ولد روق .. نعم أنت شاعر رائع .. وأرجوا تسجيل أعجابي الشديد بما تنثره من ورود معطره ورائعه بالشعر الجزل .................. دمت برعايته


مــــــــــــــــــــــودتي 000000



والله يالمهاجر انت اللي رائع وربي .. وهالكلام انا استشفيته من تواجدك المتميز في المنتدى .. وخفة دمك وطيبة روحك ...

ولي الشرف ان شعري يعجبك ياغالي

.
لاحرمت تواجدك اخوي ..

[ولد روق]

نادر انا لو باشتكـي مـن نصفنـي *** وانا خصيمي حظ واحـلام وأوهـام

ولد روق ... صح لسانك وسلم بنانك

أبيات رائعه مع مافيها من ألم

الله يجعلك حظك ماينام يالغالي

دمت ودام قلمك المبدع

وحظك أطيب يافالح .. حياك ربي ..

ودام نبضك يالغالي

شرفتني بالمرور وربي ..

[ولد روق]

والله وبصراحه انا تعقدت من الشعر ومن الخواطر وجميع الأقسام الأدبيه مع اني احاول اني استمتع زي اول ...





لكن عجززززززززززززززززت..



وهذي يمكن اول مشاركة لي بهذا القسم بس عشان خاطر ولد رووووووووووووق

هلا والله بالغالي الهواوي .. شرف لي وربي .. والله يعلي شانك ..
.
اذا قصدك على الغم اللي بالقصايد والخواطر .. فهذي متنفس وانا اخوك نقول فيه اللي مانقدر نسولف به مع الناس .. لكن لو سولفت معي .. بتحلف ان نص ابار البترول باسمي .. واني حاكمٍ نجد ... هههههههههههه .. لذلك لايضيق صدرك .. تبي تلقى الوناسه .. بهالمنتدى اكيد ..


حياك ربي يالغالي ومرورك شرف لي ..

[سالم الشمري]

صح لسانك

وعلا شانك

ابدعت

احتراماتي

[الأسيرة]

الله يسعدك ويسعد اياااااااااامك اخووووي ولد رووووق ويبعد عنك كل كدر وهم و يأس

تسعدنا دائما بقصيدك الرائع وخيالك الواااسع

الله يديم لنا هالقلم اخوووووي الغاااالي

تحياااااتي

[ولد روق]

الله يسعدك ويسعد اياااااااااامك اخووووي ولد رووووق ويبعد عنك كل كدر وهم و يأس

تسعدنا دائما بقصيدك الرائع وخيالك الواااسع

الله يديم لنا هالقلم اخوووووي الغاااالي

تحياااااتي



الله يسلمك يا أختي الغالية .. على الدعوات الجميلة .. ولا يحرمني من تواجدك ابدا ..
.
هذه الدعوات لوحدها كفيلة بأن أسعد بمرورك وأنتظره في كل مرة ..
.
طبت وطاب قلبك ياغالية .. ودامت سعادتك ..
.
اطيب التمنيات ..

[ولد روق]

صح لسانك

وعلا شانك

ابدعت

احتراماتي

صح بدنك .. يارماد انسان .. وسلمك ربي

.
.
وأشكرك على مرورك ..