السفير
24 / 04 / 2008, 11 : 08 PM
شفنا العجب يكفي . . عسى الهم ينجال
ينجال عن قلبٍ . . تزايد حطامه
لا صارت الدنيا على ضيقة البال
وش يرجي المطهود كود السلامه
أشوف أنا العربان من حال في حال
لا خالطت ما بين نجدٍ و شامه
ما كل رجالٍ تشوفه برجال
ما عاد أميز صقرها و الفدامه
لا يخدعك زولٍ نفلته من أزوال
حتى و لو إن العسل في كلامه
اللبس واحد . . بشت و شماغ و عقال
لكن . . بلاك القلب وشو مرامه
وين الزمان اللي مضى صفوة أجيال
أهل الوفا و العرف و أهل الشهامه
ما لوم عينٍ دمعها اليوم همّال
و من البكا . . جاوبت نوح الحمامه
على ربوعٍ خلوا الدار و المال
و أمسوا بقبرٍ مدلهمٍ ظلامه
لا من ذكرت الجد و العم و الخال
أصفق بكفٍ فوق كفّ الندامه
لا نيب مجنونٍ و لا فيني هبال
لكن خطير العقل يذكر سقامه
غديت مثل اللي رقى نايفٍ عال
وأيضا . . يشق الجيب يشكي مرامه
من شد ما به . . ذب عمره على الجال
و الوعد . . جوٍ ما بقى إلا عظامه
صاح النذير و خبّر الناس بالحال
جاه الفزع يجمع بقايا حطامه
و أمه . . غدت ما بين دمعٍ و ولوال
تنثر دموعٍ مثل وبل الغمامه
والله لولا إني صبورٍ و شيّال
و إني أخاف عقاب يوم القيامه
لا صير مثله بالسوايا و الأفعال
من شاف ناصر قال مدري علامه
للشاعر الرائع / ناصر السعيد
ينجال عن قلبٍ . . تزايد حطامه
لا صارت الدنيا على ضيقة البال
وش يرجي المطهود كود السلامه
أشوف أنا العربان من حال في حال
لا خالطت ما بين نجدٍ و شامه
ما كل رجالٍ تشوفه برجال
ما عاد أميز صقرها و الفدامه
لا يخدعك زولٍ نفلته من أزوال
حتى و لو إن العسل في كلامه
اللبس واحد . . بشت و شماغ و عقال
لكن . . بلاك القلب وشو مرامه
وين الزمان اللي مضى صفوة أجيال
أهل الوفا و العرف و أهل الشهامه
ما لوم عينٍ دمعها اليوم همّال
و من البكا . . جاوبت نوح الحمامه
على ربوعٍ خلوا الدار و المال
و أمسوا بقبرٍ مدلهمٍ ظلامه
لا من ذكرت الجد و العم و الخال
أصفق بكفٍ فوق كفّ الندامه
لا نيب مجنونٍ و لا فيني هبال
لكن خطير العقل يذكر سقامه
غديت مثل اللي رقى نايفٍ عال
وأيضا . . يشق الجيب يشكي مرامه
من شد ما به . . ذب عمره على الجال
و الوعد . . جوٍ ما بقى إلا عظامه
صاح النذير و خبّر الناس بالحال
جاه الفزع يجمع بقايا حطامه
و أمه . . غدت ما بين دمعٍ و ولوال
تنثر دموعٍ مثل وبل الغمامه
والله لولا إني صبورٍ و شيّال
و إني أخاف عقاب يوم القيامه
لا صير مثله بالسوايا و الأفعال
من شاف ناصر قال مدري علامه
للشاعر الرائع / ناصر السعيد