ما يغيرنا خلاف

[شعيب المشائخ]

حياكم جميعاً

اتمنى ان تحوز على رضا الجميع

حبيبتي تبقى عيوني لك وكلـي لـك فـدا
00مهما حصل بيني وبينك ما يغيرنا خـلاف
يا اعز النـاس يـا كـل المحبـة والنـدا
00طالبك باللي خلق هذا الجمال اللي يشـاف
انك تهدي اللعب وتغيض الوساوس والعدا
00اللي لجل حبك تحدى الخلق وتعدى المطاف
مااظن يستاهل جفاك اللي تسوسه بالردى
00لا ولا مثلي يجازى بالقطيعـة والزعـاف
انا لجل احظى بقربك اقتربت مـن العـدا
00وامني الله من عدوي وانت تنويني برهاف
وانا تعلمت المواويـل الحزينـة والحـدا
00واحدى لذود من المحبة يارفيقي والشغاف
وانا تبدلت الظلال برشد وايمـان وهـدى
00يوم راد ربي كان لقياك الوسيلة للعفـاف
وانتي ليا عز الطلب ستري وغطايا والردا
00ما تاقفين الا وقوف الباذرين من الجفـاف
حبيبتي ثوبـي لرشـدك والنهايـة مبتـدا
0000مهما حصل بيني وبينك ما يغيرنا خـلاف

[فالح الناهي]

أخوي


شعيب المشايخ


صح لسانك


قصيدة


رائعه


فيها من المعاااااني


الشي الكثير

والممتع


دمت بود

[ابن الضياغم]

اخوي العزيز شعيب المشايخ:
حبيبتي تبقى عيوني لك وكلـي لـك فـدا
00مهما حصل بيني وبينك ما يغيرنا خـلاف
يا اعز النـاس يـا كـل المحبـة والنـدا
00طالبك باللي خلق هذا الجمال اللي يشـاف

انااقول ان فيه شي بالوزن وابيك تسئل شاعرحقيقي

مهومثل قصيدي انت شاعر مافيهاء كلام واللي يقول عكس ذلك

غلطان انت مبدع وقصيدتك فيها حياة

ارجوك لاتواخذني قلت اللي انا اشوفه ويمكن اني غلطان


كل الاعجاب في قصيدك الذي فرض نفسه علينا وانت مكسب حقيقي للمنتدى وعشاق الشعر بوجه خاص

والى الامام ياشاعرالمشاعر.

[سيبـــــــويه]

شعيب المشايخ


صح لسانك . أنا أقول تعبير وكلمات في منتهى الجمال وقصيده رائعه .


واذا كان فيها شيء من ناحية أستقامة المعنى فهذا شيء يسير لا يذكر .



أبدعت أخونا وشاعرنا . لا خلا ولاعدم ،،،

[المـــــقتنع]

00طالبك باللي خلق هذا الجمال اللي يشـاف
انك تهدي اللعب وتغيض الوساوس والعدا
00اللي لجل حبك تحدى الخلق وتعدى المطاف
مااظن يستاهل جفاك اللي تسوسه بالردى



صح لسانك اخوي شعيب

رائع كعادتك

دمت على هالتميز يالغالي


وبالنسبه لملاحظة الشاعر ابن الضياغم
في محلها

لكن اعتقد ان "اللهجه" حلت محل الكسر هنا
وهالشئ يحدث كثير

احترامي لك