اخبار الامطار في الاجفر وحائل والرياض والحفر والشرقيه وباقي مدن المملكه

[الفارس الخفي]

الله لايهينكم نبي اخرالاخبار عن الامطار في جميع المدن التاليه

الاجفر وحائل والرياض والحفر والشرقيه وباقي مدن المملكه

انا اللي سمعته ان الاجفر جاها امطارخير وبركه وكذلك حائل والقصيم

[شــرقاوي]

الله يجعله سقيا خير وبركه هذا اول شئ .

بالنسبه لي انا بالشرقيه وللحين موصلنـا شئ { يجيب الله مطر }

وبالنسبه للاجفر وضواحيهـا يقولون مشاء الله من الساعه 6 المغرب الين الساعه 11 وهي سيل الله يجعله خير .

القصيم كذلـك يقولون وقف بالاجفر مشاء الله قامت تهل بالقصيم الله يكتبه الخير ان شاء الله وهذا اهم شئ .



أمممممممممم أحس مكـان الموضوع خطأ ان مـ خاب ظني لنك تبحث عن اخبار الاجفر ..؟

[خـالـد]

الرياض ماجانا شي بتاتاً البته ولاحول ولا قوة الا بالله


الله يجيب الخير

[مــهــلا ايتها الحياة]

بالنسبة وبخصوص تواجدي في محافظة الحفر وماجاورها حاليا

اليوم من ساعات الصباح الاولى وهي مغيمة وبدت ترش على الظهريات كذا واستمر الديم الى الساعة 11 او 12 بالليل تقريبا ( كنت نايم بس اعتقد لانه كل ماهذا اصحى واسمع طقطقة المطر )

الله يجيب الخير امين 000

[خــــازووق]

مهلاا حبيب البي للحين ماسك كلمة ديم ما تركتهااا >>>>> الديم والله خابرة ههههههههههههههههههههههه
حنا بالرياض ممحلة ما غير يلحفنا هالهواء البارد الجاف ما فية الا قوة فازلين صبح ونهار انا الحين بالسيارة حاط فازلين احتياط للحاجة
لاكن يذكرون امطار بالأجفر وحايل والشعلانية وما جاورهاا الله يجعل فيها بركة
ويرزقنا

[من الخفجي]

الخفجي ولله الحمد من البارحة وهي تمطر.

[الفارس الخفي]

مشكورين على الاخبار الحلوه

ماقصرتوا ولاتنسونا من جديد اخبار المطر

[الفارس الخفي]

البارح امطارشبه غزيره على الرياض واليوم رش خفيف

[الفارس الخفي]

ماشاءالله يقولون على الاجفر امطار غزيره وطريق الخوير اللي في القاع مغطيه الما اللهم زد وبارك المناطق الاخرى عطونا اخباركم

[خـالـد]

الرياض رش خفيف

و متقطع من البارح وحتى كتابة هذا الرد

يعني الزفلت اسود والمرازيم اليوم الصبح صبت


نسأل ان يرحمنا برحمتة وان يغيثنا





****************

[ماشية بعزها]

الله يعطيكم العافيه يا اخواني الغالين وماتقصرون ..