ندا يغلب الترك في الرماية

[رضا بدر]

:013:
السلام عليكم ورحمة الله وبركاته
يقولون جا وفد من الترك الى حائل عند ابن رشيد وكرمهم ابن رشيد
وبعد ذلك مشاهم ابن رشيد بحائل واستانسوا بعدها قال ريئس الوفد نبي نسوي مباراة بيننا وبينكم بالرماية
يعني بالتسديد وافق الامير ابن رشيد على المباراة لكنه طلب من الوفد ان تكون المباراة عندما يخرجون الى البر بعد يومين
في هالاثناء ارسل ابن رشيد الى ندا ابن نهير وقال للمرسال خل ندا يجيني بساع
وصل المرسال لندا وقال الامير يبيك ومحرصن على انك ما تأخر قال ندا وانا جيت يوم وصل ندا لحايل وقابل الامير علمه الامير بامر المباراة
قال ندا ازهله هذي مار امره سهل
طلعو للبر هم والوفد التركي ومعهم ندا ويوم بدت المبارات وحطو الهدف قال ندا ابعدوه قالو الاتراك واي واي هذا بعيد كتير امير و قدموا لهم واحد هالعرض عتاريه احامرن بطنه يجي له مترين
دلى ينيشن على الهدف وحالته لله المهم رمى ولا اصاب
وهو يجي دور راع المليحا ويسدد ويطير الهدف من قدام عيونهم
وهم يزعلون الاتراك قالو انت يابن رشيد تدرب جنودك هاليومين اللي فاتو قال لهم الامير هذا ندا من طلع على الدنيا وهذا رميه

رحم الله الجميع