الأجــــــــــــفر "قصيدة"

[نايف الناهي]

كتبتها لحفلٍ مشرف ولم اقدمها للجمهور في ذلك الحفل لمرئيات اللجنة, لكنها هاهي في منتدى الاجفر , وشرفها الوحيد انها بين يديكم ... لن اطيل ,,,,,
اليكم القصيدة :
[SIZE="5"]بأكتب قصيده وانشروها بالاعلان=قصيدتي فيها العجب والتعاجيب
باكتب قصيد بديرتي دار الاخوان=نبراس دين وعز ماهي ملاعيب
ومن قبلها باقول منهم هل الشان=اهل الفعول الساميات النواجيب
شمر هلي من نسل عارب وقحطان=شمر سيوفٍ باللقاء واللواليب
شمر ذحاح الماء وشمر شجر بان=وشمر جبالٍ راسياتٍ مصاليب
وان كان بين الناس شرهٍ وشفقان=يلقى بعبده شرهته والمعاصيب
صيارمٍ ميزانهم دوم ربحــان=ماينقص الميزان كثر المطاليب
وهذي بيوتي قافيتها على آن=لجل المكان الي يضم الاصاحيب
هدلان ياللي تجهل الوقت هدلان=حضن الحنون الي ترد المعاييب
من حد الابرق لين تقبل على ام شان=ومن الخوير الى العياف المهاضيب
هذي حدود الدار تزهى وتزدان=معالمٍ تبقى بدون شكٍ ولاريب
داري ترى الاجفر بها احباب واخوان=فخر الرجال الي تعد المواجيب
(وراع المليحا) صار للدار عنوان=هاك الشجاع الي وقف للمصاعيب
شيخٍ تهابه بالمواقيف شجعان=كم شيخٍ ارسل طاعته والمعاتيب
ماعال والله ولاحصل منه نقصان=وقت المكارم ماعرف مثله الطيب
والشيخ ورّث منبع الجود شيخان=بهم ترى مااسمع كثير المكاذيب
وياراكبٍ من عندنا فوق شقران=حرٍ نسل حرٍ ولابه عذاريب
عذروبه انه يقطع البيد شفقان=يشفق على وصل الوفاء والمناديب
بلغ تحيه نحمله وسط قيفان=من شاعرٍ شعره حلاة المشاريب
للي لفى به من شبيبه وشيبان=يزهى بهم جمعٍ حصل فيه ترتيب
جمعٍ به (الويبار) طاعوا كحيلان=لجل الحميه كلهم له معازيب
وانا دفعني لجل هالقاف برهان=فيه اذكر شعوري وخلج المحاديب
لاني ربيت اوزن قصيدي بميزان=ميزان شيخٍ راح تحت النواصيب
شيخٍ على الطيبات ضامي وعطشان=وصاني اكمل مسيره مع الطيب
وهذا قصيدي ماحصل فيه بهتان=منهو يلومن لاكتبته بتوجيب
لاماكتبته ارتجي زين فتان=ولاني بوصف ناقشات المخاضيب
شاعر واناشد بالوفاء طير حوران=وابدع طواريقي بحنكه وتهذيب
ولكم سلامي عد همال الامزان=واعداد مايرقى بعال المراقيب
وابي السموحه كان بالقول نقصان=(ويباريٍ) يمشي على جرة الذيب
وصلاة ربي عد مايخلق انســان=على الذي نهجه بعيدٍ عن الريب

تقبلوا حبــــــــــــــي وتقديري محبكم (نايــــــــــــف الناهي)

[المـــــقتنع]

من حد الابرق لين تقبل على ام شان
ومن الخوير الى العياف المهاضيـب
هذي حدود الـدار تزهـى وتـزدان
معالمٍ تبقى بـدون شـكٍ ولاريـب
داري ترى الاجفر بها احباب واخوان
فخر الرجال الـي تعـد المواجيـب
(وراع المليحا) صار للدار عنـوان
هاك الشجاع الي وقف للمصاعيـب
شيخٍ تهابـه بالمواقيـف شجعـان
كم شيخٍ ارسل طاعتـه والمعاتيـب

صح لسانك شاعرنا نايف

كتبت فأجدت

وتستاهل من قيلت فيه القصيده وماأحتوته من شخصيات

الف شكر لك

نطمع بالمزيد
احترامي لشخصك الكريم

[المهندس]

صح لسانك ..ابداع من شخص مبدع

[نايف الناهي]

][®][^][®][المقتنع حياك الله ياأستاذنا الغالــــــــــــــي


دمت بكل خير وعافيـــــــــه][®][^][®][

[نايف الناهي]

المــــهنــدس
هلابك ملاييييييييييييييين واشكرك على المرور الكـــــــــــريم

[عبدالله شمر]

نـــااايـــف النــــااهــي


الف شكر يالغلا على هالقصيده

الاكثر من رااائعه

وهذاا ماهو غريب من شااعر مثلك

نتمنى ان نرى كل مااهو جديد منك يالغاااالي


ولا تطووول علينا ترى نشتااق للقصااايد الجميله خصوصاً اذا كانت منك

تقبل مروري بصدر شماالي


اخوك

عبدالله شمر

[سالم الشمري]

نايف الناهي

صح لسانك


قمه الروعه

لاعدمناك

كل الاحترام والتقدير لك

[كحيلان]

نايف الناهي

الله عليك ابداااااع هالقصيده

صح لسانك وتسلم يدينك على الموضوع

القصيده جميله والاجمل هو انت



تقبل مروري

اخوك : كحيلان

[نايف الناهي]

عبدالله شــــــمر

هلابك يالغالي واشكرك على المرور الكـــــــريم

[نايف الناهي]

راســـــــــــل ,, قمة الروعة هو مرورك وتعليقك يالغالي

تقبل مني كل الــــــــــود والتقدير

[نايف الناهي]

هلا ياكحيــــــــــلان ,,,,


الاجمل ردك ومرورك الرائع وبك يرتقي الموضـــــــــــــوع


تقبل تحياتي وتقديري

[::: سلامات :::]

الأخ نايف انت شاعر جميل وجزل ولكن لماذا لاتخرج عن المألوف؟؟
لن تعرف حجمك حتى تخرج عن حدودك!!

اعط لشعرك وابداعك قليلا من التمرد!!

أخرج عن المألوف حتما سوف تبهرنا!!


بأنتظار جديدك ... دمت بود ...

[{ السنجاري }]

السلام عليك ورحمة الله

يمكن اطول عليك لكن عند الشعر العذب انسى نفسي فأارجو منك انك تسامحني اذا طولت عليك


بأكتب قصيده وانشروهـا بالاعـلان @ قصيدتي فيهـا العجـب والتعاجيـب
باكتب قصيد بديرتـي دار الاخـوان @ نبراس دين وعز ماهـي ملاعيـب


اخوي الشاعر الجميل,,,,,, لأحظ معي شوي شوي

انت بداءت القصيدة بحماس يجذب المستمع ويقلقه ويحيره والدليل (فيها العجب والتعاجيب)

مدخل اكثر من رائع وكذلك ابتعدت عن المدخل التقليدي المعتاد وهذا يحسب لك

ثم حددت ان الهدف هو ديرتك وربعك الخاصين وشمر بوجه العموم وهذا البيت بصراحة مخيف ويدل على انك شاعر قبيلة لاتتقيد بالخطوط الحمراء وهذا يقل في شعراء المهايط والخرابيط ويحسب لك وهذا اول سبب جعل اللجنة تتنحى عن القصيدة خوفا"من قول الصدق




ومن قبلها باقول منهم هل الشـان@اهل الفعـول الساميـات النواجيـب
شمر هلي من نسل عارب وقحطان@شمر سيـوفٍ باللقـاء واللواليـب
شمر ذحاح الماء وشمر شجر بـان@وشمر جبـالٍ راسيـاتٍ مصاليـب
وان كان بين الناس شرهٍ وشفقـان@يلقى بعبـده شرهتـه والمعاصيـب
صيـارمٍ ميزانـهـم دوم ربـحـان@ماينقص الميـزان كثـر المطاليـب
وهـذي بيوتـي قافيتهـا علـى آن@لجل المكان الي يضـم الاصاحيـب
هدلان ياللي تجهل الوقـت هـدلان@حضن الحنون الي تـرد المعاييـب
من حد الابرق لين تقبل على ام شان@ومن الخوير الى العياف المهاضيـب
هذي حدود الـدار تزهـى وتـزدان@معالمٍ تبقى بـدون شـكٍ ولاريـب
داري ترى الاجفر بها احباب واخوان@فخر الرجال الـي تعـد المواجيـب
(وراع المليحا) صار للدار عنـوان@هاك الشجاع الي وقف للمصاعيـب
شيخٍ تهابـه بالمواقيـف شجعـان@كم شيخٍ ارسل طاعتـه والمعاتيـب
ماعال والله ولاحصل منـه نقصـان@وقت المكارم ماعرف مثله الطيـب
والشيخ ورّث منبع الجـود شيخـان@بهم ترى مااسمع كثيـر المكاذيـب



اخي الشاعر

في هذه الابيات اجد نفسي امام تاريخ ومواقف وفرسان واحداث تاريخية نادره استطاع الشاعر ان يصورها لنا بأسلوب وتقنية شعريه تاريخية مميزه حتى اني اجد نفسي داخلا" بهذا الوصف الجميل مما يثبت ان الشاعر لديه خلفيه تاريخية غنية ومعرفه ووفاء مما صاحب ذلك من براعة في الوصف وهذا شيء يثبت انك شاعر قبيلة تعتبر كنز من كنوز شمر وهذا الوصف التاريخي اقلق اللجنة وكان سببا" في تفادي القصيدة لأن المناسبه عامه وانت شاعر لاتعرف المجاملة مما جعلك تذهب الى ديرتك وربعك واصفا"ومادحا" والصدق هذا لايعجب اكثر الذين يبحثون عن النفاق الشعري



اخي الشاعر,,,,,انا امام ابيات تدل على انك شاعر مخضرم مع اني لااعرفك والدليل وصفك في هذه الابيات

وياراكبٍ من عندنا فـوق شقـران@حـرٍ نسـل حـرٍ ولابـه عذاريـب
عذروبه انه يقطـع البيـد شفقـان@يشفق على وصل الوفاء والمناديـب
بلغ تحيـه نحملـه وسـط قيفـان@من شاعرٍ شعره حـلاة المشاريـب
للي لفى به مـن شبيبـه وشيبـان@يزهى بهم جمعٍ حصل فيـه ترتيـب
جمعٍ به (الويبار) طاعـوا كحيـلان@لجل الحميـه كلهـم لـه معازيـب


لن اتكلم عن هذه الابيات لأنها اكبر من مستواي الشعري

لكن اعجبني طرقة دخولك وتحولك من فكرة الى فكرة من غير ان يحس السامع انك انتقلت وهذا حصل بأسلوب سلس يدل على مقدرتك الشعرية

والشيء الاهم هنا ( الويبار ) اقول والف نعم ويستاهلون ويشهد لهم التاريخ وانا اقولها وانا من سنجاره وهذي شهادة حق




اخي الشاعر ,,,,,,,,,,لاحظ هنا


وانا دفعني لجـل هالقـاف برهـان@فيه اذكر شعوري وخلج المحاديـب
لاني ربيت اوزن قصيـدي بميـزان@ميزان شيخٍ راح تحـت النواصيـب
شيخٍ على الطيبات ضامي وعطشان@وصاني اكمل مسيـره مـع الطيـب
وهذا قصيدي ماحصل فيـه بهتـان@منهـو يلومـن لاكتبتـه بتوجيـب
لاماكتبتـه ارتجـي زيـن فـتـان@ولاني بوصف ناقشـات المخاضيـب


اخي الشاعر

انت شاعر لاتجامل وهذا يندر وقليل في شعراء اليوم

وقد بينت الهدف من هذه القصيدة عندما قلت ( وانا دفعني,,,,,,الخ )


وبعدها قلت

شاعر واناشد بالوفاء طير حـوران@وابدع طواريقـي بحنكـه وتهذيـب
ولكم سلامي عـد همـال الامـزان@واعـداد مايرقـى بعـال المراقيـب
وابي السموحه كان بالقول نقصـان@(ويباريٍ) يمشي على جـرة الذيـب
وصلاة ربي عـد مايخلـق انسـان@على الذي نهجه بعيدٍ عـن الريـب


اخي الشاعر هنا افتخار بالمقدرة الشعرية وهذا من حقك وشيء مشروع للشاعر مادام يحمل مواصفاتك الجميلة

وبنفس الوقت يتبين انك عندما عرفت انك شاعر ووضحت ثقتك بنفسك قلت (وابي السموحه)

هذا يدل على تواضعك النبيل وهذا يدل على انك تعلم بالفطرة ان التواضع امام الناس يرفعك وقد رفعت نفسك امام اناس بالتواضع

وبعدها قلت (ويباري) يمشي على جرة الذيب

كفوووووووووو والله والف نعم

وفي النهاية صليت على النبي صلى الله عليه وسلم


اخي الشاعر


انت شاعر كبير

ومتمكن

وتمتلك ثقافة تاريخية وموسوعة جغرافية عندما تكلمت عن التحديد الجغرافي وقلت

من حد الابرق لين تقبل على ام شان@ومن الخوير الى العياف المهاضيـب
هذي حدود الـدار تزهـى وتـزدان@معالمٍ تبقى بـدون شـكٍ ولاريـب
داري ترى الاجفر بها احباب واخوان@فخر الرجال الـي تعـد المواجيـب


اخي الشاعر

الجميع يستطيع ان يتكلم عن التحديد الجغرافي الذي يفتخر به لكن بالشعر اقسم انك احد الشعراء الذين يقل وجودهم والذين يمتلكون مقدره شعريه في الثقافة الجغرافيه


وانت شاعر متمكن وواثق بنفسك ومتواضع وهذه معادلة نادره وصعبة التحقيق وانت استطعت ان تحقق هذه المعادلة

انت شاعر

انت اكبر مما تتصور


اخوي الشاعر اعتذر على الاطالة لكن والله العظيم انا احب الشعر ومتذوق حساس للشعر وعندما تعجبني قصيدة احب ان اتكلم عنها بصدق وامانه

اخي الشاعر

تقبل مروري ولك احترامي


اخوك ( السنجاري )

[نايف الناهي]

اخوي سلامات : اهلا بك وبمرورك الكريم ,
تعليقاً على كلمة الخروج عن المألوف أقول : انا لا أعرف ماذا تقصد بها هل هو الرمزية والغموض او الدوران بالقصيدة والابهام , اخي العزيز قد تكون اعلم مني بالشعر ولـــــكن هذه القصيدة وكما قلت كتبتها لحفل واجتماع وهي : فخر واعتزاز ومدح , والمألوف في هذه المواضيع (المدح والفخر ...) هو الشفافيه والمباشرة ...

اشكرك على تعليقك ولك كل حبي وتقديري ..

محبــــــــــــك "نايف الناهي"

[نايف الناهي]

اخوي السنجــــــــــاري : اهلاً بك واشكرك على تعليقك وشرحك للقصيدة , ولاأخفيك اني وانا اقراء تعليقك احسست اني امام ناقد كبير لطرحك للابيات وشرحها , اتمنى ان تكون القصيدة قد حازت على اعجابك ....

اشكرك على المرور...

[سيبـــــــويه]

أخوي نايف أنت شاعر كبير ومبدع ومتميز

الله يكفيك شر الأشرار

أخوي نصيحه لا تتردد في كتابة القصايد وقم بأقتحام الصعاب التي تتخيلها أمامك

فهي ليست صعاب وأنما ( خيال ) .

فهمت قصدي ..... أي بمعنى ( نريد منك المزيد )


مشكور على القصيده (المعلقه ) الرائعه

وديرتك وربعك يستاهلون .

تسلم أخوي .

[العالمي]

نايف الناهي لا يسعني ان اقول سوى ( انت الأبداع بعينه ) مشكور على القصيدة وصح لسانك ...

[::: سلامات :::]

نايف انا لم اقصد هذة القصيدة بعينها!!

اقصدك انت وشعرك!! بوجه عام!!

القصيدة جميلة جدا وتنم عن انك تمتلك مقدرة شعرية لاتضاها!!

انا هنا اريد منك المزيد (( وهذا ماكنت المح له في ردي الاول))...

دمت بود..

[النادر]

صح لسانك ..

كان بجانبي الشاعر الكبير : ابو محمد (( فهاد الريس ))

ويقول :

حنا هل الأجفر صناديد ورجال ................. حنا هل الفزعات واهل الحميا
صحيح قولي كلمة الحق تنقال ................. تر شرنا للي عن الحق عيــــا
تر عزنا للي عليه الزمن مال .................. ويبار لمنه غداله أغبيــــــــــا

هذا رد الشاعر : ابو محمد

[برزان]

نايف الناهي
صح لسانك
والله يعطيك العافية

[نايف الناهي]

أهلاً بالجميع وأشكركم على المــــــــرور ...

[((النايف))]

روووووووووووووووعه وإبداااااااااااااااااااااااااا اع

صح لسانك أخوي نايف ومو غريب منك هاللإبداع وننتظر جديدك..

[QATAR]

صح الله لسانك يانايف

وماهو غريب منك هذا الابداع

دمت بهذا الابداع والتمييز

مودتي

[نايف الناهي]

النايــــــــــف : هلابك يالغالي واشكرك على مرورك الكريم ....


تحيااااااااااااااتي

[نايف الناهي]

QATAR : يامرحبا فيك وبمروركم نرتــقي ...


تحيااااااااااتي ومودتي

[فالح الناهي]

نايف الناهي


صح لساااانك

قصيدة جزلة من شخص جزل


(( وشهادتي فيك مجروحة))

إلى مزيد من الإبداع

دمت بخير

[نايف الناهي]

ابوفجــــــــــــــر حياك الله وتشرفت بمرورك ....

[أبونايف]

شكرا لك يا شاعرنا المبدع والرائع ( نايف ) ، واتمنى لك مستقبل باهر .........

[نايف الناهي]

هلا ابونايـــف , تشرفت بمرورك ,,,,,

آسف على عدم التنسيق للقصيدة , كانت منسقة بشكل جميل لكن حدثت مشكله بالصندوق السحري للتنسيق ,,,,
وانعدم التنسيق ...

على العموم مادام القصيدة تقراء ممتاز ....


تحياااااااااااااااتي

[ابو حاتم]

ما شالله تبارك الله صح لسانك يا نايف ومهي غريبه عليك هذه القصايد

ويستاهلون شمر المدح وراعي المليحاء خاصه علمه على راس علم

[نايف الناهي]

هلا يابوحاتـــم , طولت علينا بمرورك ياأستاذنا الكريــــم .....

على العموم تحياااااااااااتي وتقديري

[ماشية بعزها]

صح لسانك ولا هنت

[احس احساس]

نايف الناهي


لا أملك إلا أن أقول ابهرتني بنظم من زمن الكبار

وبفراده تنحت على جدارالزمن القادم

تاريخ منظوم ببراعة شاعر متميز

قلم قل أن تجد سواه في الزوايا


اقول سلم الله راسك ورحم الله عود خلفك


نزف المشاعر

[نايف الناهي]

ماشية بعزها : لاهنتي على المرور وتقبلي تقديري

[نايف الناهي]

نزف المشــاعر : أبهرتني بهذا الاطراء أتمنى ان أكون عند حسن الظن بي ,,,
وخاصتاً منتدى الاجفــــــــــر ,,,

اشكرك على المرور ولك كل التقدير ,,,

[الأسيرة]

القصيدة في غاية الروعه لانها عن الأجفر الحبيبه ومن شاعر نهنىء انفسنا ونفخر به ,, سلمت لنا ياشاعرنا نايف الناهي


تقبل مروري
أ خ ت ك
الأسـ ـ ـ ـ ـ ـيرة

[نايف الناهي]

الاسيرة : مرحبا فيك وأشكرك على المرور , ومرة أخرى أعتذر عن رداءة التنسيق والمشكله في الستايل .....

تحياااااااااااااااتي وتقديري

[خــــازووق]

صح لسانك 000 وبارك الله فيك 000

[نايف الناهي]

حياك الله ياخــــــــــــــــــــاز وق وأشكرك على المرور ....

[العمدة]

نايف الله يكثر من امثالك ويصلح اخوانك ويرحم والديك


كلمة من أخوك الكبير/ لا تقنع بما دون النجوم

وفالك التوفيق

[نايف الناهي]

العمدة : آمين وجزاك الله خير , وبكم ارتقي للنجـــــــــــوم ...

[بندر]

صح لسانك .. مشكور يالشاعر على هالقصيده المميزه

يعطيك العافيه .

[نايف الناهي]

لاهنـــــت يابنــــدر وحيــــاك اللـــه