دروس في اساليب التفحيط ....

[شموخ إنسان]

بسم الله الرحمن الرحيم

ارجو التفاعل وطرح الطرق او الاساليب وكل واحد واسلوبه ..
دروس في التفحيط


شباب لااحد يطبق الا وهو معزم
مو تكون خايف ترى ان خفت بتجيب العيد

الدرس الاول
(ردة الوجه )
تمشي ستين فما فوق تفضي القير تلف الطاره يمين شوي حبه وبعدين تكسرها يسار مره
وحده مع سحبة الجلنط الحركه الاخيره مع بعض واللي هي كسرت الطاره

الدرس الثاني
( عقده وحده )
تمشي ما بين الثمانين الى التسعين ويفضل تسعين .... وعلى مشيتك اكسر الطاره
يمين حبه ورده بنمره يعني في الثالث وبعدين اكسر يسار مع سحبة جلنط خفيفه
مره ..... (تلاحظ ان السياره ردة وجه اعرف انك مشيت الخطوات صحيح ) الحين اذا
ردت الوجه اكسر الطاره في عكس الاتجاه وفك الجلنط يعني لو بديت بردة الوجه والسياره راحة على اليمين اكسر يسار لمى تفك الجلنط

الدرس الثالث
(عكسيه وحده)
تمشي ما بين التسعين الى الميه (ولاحظ ما ابيك تمسك الاوسط ابيك تمسك الكتف(السيد)
الايسر ) وبعدين اكسر الطاره يمين ... ولا تلمس الفرامللل ابدددددد وعلى طول بعد
ما تكسر يمين اكسر يسار كسره خفيفه مرررررره تكاد لا تذكر مع سحبت الجلنط
وخلي الجلنط مسحوب وحاول بيدك ترد الطاره على اليمين بس على الخفيفه مره
لين ما توصل السرعه سيتن ساعتها اكسر الطاره مره وحده على اليمين وفك الجلنط .


دروس للمهاره
الدرس الاول (تنطيل) :0-
طبعا انا اشوف ان التنطيل هو اصعب حركه بعد حركة الموت ولاكن وش السوات
لان السياره اذا هجة وانت تنطل طبعا بتروح ملح والله يستر عليك وانشاء الله
ربي يسكنك جناته المهم...
تمشي ما بين الميه وعشرين فما فوق ( انت وشطارتك ) وابيك تمسك السايد
الاوسط .. طبعا هنا نتطرق الى نقطتين الا وهي ان فيه ناس تنطل بالكسره وفيه
ناس تنطل بالجلنط ... طبعا الكسره اضمن وغير كذا اوجه عند الزكرتيه على شان
كذا بشرح تنطيل الكسره ... بعد ما تشمي السرعه المطلوبه تكسر كسرت ابو عقاب
وهي انك تكسر يمين او يسار ( على حسب انت وش تبي ) وبعدين تكسر في الاتجاه
المعاكس كسره قويه يعني راقب معي الخطوط وكاني بانطل من اليمين
---- ------------
--- -----------
-- ----------
فهمت الحين التنطيل كسره على اليمين خفيفه والكسره اللي على اليسار تكون اقوى
على شان الاولى تهدي السياره وماتخليها تهج ... اما الثاني تعطيك بور وتعطي
السياره نطله قويه وطبعا التفحيط زي عزف العود بالممارسه بتصير طاره وكل
واحد وله طريقته بالتنطيل فيه منهم ينطلون بنمر وفيه منهم ينطلون بالجلنط زي
ما قلنا وفيه منهم ينطلون بالكسر والكسر اوجه واحسن


واللى مافهم لايطلع ويسوي فيها شاطر
انا قلت لكم وانتم بكيفكم

[ولد@الديره]

الله يدهورك كان ما نشبو بدوار او عامود الكهرب((يا شموخ انسان))

[شموخ إنسان]

مشكور اخوي ولد@الديره على المرور

خلهــم يجربون وان شاء الله يسلمون
خلهم يدهروا المركز اللي غثنااااا....هاهاها


من جد وجـد*** ومن نطل عقــد*** ومن قبع هــجــــد

[الفيتو]

الدرس الثالث
(عكسيه وحده)
تمشي ما بين التسعين الى الميه (ولاحظ ما ابيك تمسك الاوسط ابيك تمسك الكتف(السيد)
الايسر ) وبعدين اكسر الطاره يمين ... ولا تلمس الفرامللل ابدددددد وعلى طول بعد
ما تكسر يمين اكسر يسار كسره خفيفه مرررررره تكاد لا تذكر مع سحبت الجلنط
وخلي الجلنط مسحوب وحاول بيدك ترد الطاره على اليمين بس على الخفيفه مره
لين ما توصل السرعه سيتن ساعتها اكسر الطاره مره وحده على اليمين وفك الجلنط .
والله لوانت بدر عوض؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
يعطيك العافيه

[شموخ إنسان]

الله يعافيك اخوي الفيتو على المرور

بس الظاهر انك ماتدري ان في
طارات بالاجفر يسووون أكثر من كذا !!!!!

وفي واحد منهم مشترك بالمنتدى>>>>نكبتوووووه

[النادر]

نصيحة لا حد يطبق كل الدروس

ما منها الا الحوادث ( وفيااااااااااااااات )

الله الله بالركاده

سوق على هونك ما ينفعك دروس شموخ انسان

شموخ : لا تورط الشباب بعدين يدعون عليك

[شموخ إنسان]

الله لا يقوله يالنادر وين يدعون علي
انا ماصدقت على ......


ياشباب لاحد يطبق إلا وهو معــزم
ولازم ينتبه من الدبابيس اللي بالديره

[للأهميـــــة]

هههههههههههههههههههههههههههه


الله لايدهورك ياشموووووخ خخخخخخخ


سلامات خل الدرووس هذي ((((سري للغايه )))


تقبل نطلتي خخخخ

[The Best]

حلووووة

صحيح لا تطبق وانت خايف تراك تجيب العيد


شموخ انسان

بيض الله وجهك يا الغالي على الدروووس ولو تكمل جميلك وتخليها بعد الشرح اللي على الورق شرح عملي يكون احسن

وتأكد يا الغالي التفحيط هواية تحصد ارواح اناس قد يكون منهم ابرياء واتمنى الابتعاد عنها

<<<< شايب خخخخخخخخخخخخخخخخخخخخخخخخخ



تسلم يا الغالي وعسى نشوف مواضيعك القادمة بعيدا عن هذه الهواية ولك كل الحب والتقدير

[عبدالله شمر]

هههههههههههه

<<نااقد عليه هههههه



بصراااحه لاتعليق


بس تقبل تفحيطي عندك بهذاا

ومشكور