روتيننا المعررروف

[جبرني الوقت...]

بسم الله الرحمن الرحيم

السلام عليكم ورحمة الله وبركاته


اريد من كل من يقراء موضوعي ان يعطرنا في الرد عليه لان موضوعي هذا قد مر على كل احد منكم وانا اريد ان افعل بهذا الموضوع بحث واريد وجهت نظركم واستفيد منها وهذا طلبي الوحيد منك اذا كان لي خاطر عندكم


(كثرت ولله الحمد في الاونه الاخيره الزوجات ونبارك لكل من تزوج او ارد ان يتزوج وان شاء الله انها تكون بداية الافراح لهم ولنا


وموضوعي هو ماهو الشيء الذي يزعجك او تريد ان تغيره في هذه الزوجات كي تكون مفيده ولاتكون روتينيه كم هي عليه الان او شيء تتمناه ان يكون موجود في هذه الزوجات عسى ان احدآ ممن يقراء موضوعي هذا يلبيها لكم او نلبيها لكم اذا كانت باستطاعتنا



ولكم خالص تحيات جبرني الوقت...
ودمتم سااالمين

[أبا القاسم]

ياهلا وغلا بجبرني الوقت ومثل ماقالوا القلوب عند بعض ...

أخوي أرى أن الزواجات من يوم كنا صغااااار وهي رقص للنساء "
وعرضهـ وسامري للرجاااااااااال ...
تطورت بعض الأمور لكن سرعان ما أنتهت ...

أرى أن هذا الروتين الممل لا بد أن يتغير إلا متى يضرب الرجال الدف وهو محرم
وإلى متى تتمايل المسلمااااااات على الألحاااااااااااان والمجون >> لاحظ أني أتكلم عن المحرمات ... بل والرجال والله المستعاااااان

يا أخي أرى أن هذين الأمرين يتعسان ويحزنان الناس
بدلا من إدخال السرور والبهجة عليهم ...

فلا بد من التغيير
والبديل الحمد لله موجود ...
وأذكر أحد الزواجات في الأجفر استبدوا رقص النساء بمسابقات وجوااائز ووالله إن الناس لازالوا يدعون لهم وأنا أولهم ..

فأرى أن تدخل المحاضرات والمسابقات الترفيهية والمسرحية والثقافية في الأفراااح على الجنسين ...

وصدقني راااح نحس بلذة الفرح .. أما بالمحرمات فلن نجد إلا التعاااسة ...

" أخيرا : المسيرااات يا أخي هذي تسبب إزعاج للمسلمين خصوصا لما يكون فيها رفع للمسيقى و أصوااات منبهات السيارات "
وهضم لحق الطريق ... وغيرها الكثير من السلبيات .. أرى أن تبدل ... هذهـ العادة الفاشلة في نظري ..

يا أخي مهي مباراااة هي يوم نسوي مسيرة وتقل حاملين الكأس ...
زااافين عريس >> وصراااحة أحس إنها بتخرب على الزوج مثل هذهـ التفاهات .. في أمور كثيرة ...
منها أيضا المفاااطيح >> يا أخي مافيه شيء اسمه بوفيه مفتوووح ...
أوفر وأفضل ...

وأكثر شيء يعقدهو السلام >> لاحظ إنك راح تسلم في ذيك الليلة على 300 شخص على الأقل
وما تنتهي إلا وصابرك مايل .. من الحب اللي ماورد به لا دليل ولا سلطاااااااان
بالعربي ياملي زواجاتنا تبي لها فرمته من إلى ... >> وجهة نظري وقد أكون مخطأً


أتمنى أني أكون أفدتك ودمت كما أنت " محلق في سماء الإبدااااااااااااع "

[الياقوته]

هلا فيك وفي موضوعك اخوي

بصراحه عني انا ودي ان حفلة الزواج تلتغي كلها

يكون فيه ملكه وعشاء يحضرونه اهل العريس والعروسه وياخذها وبس

واذا ربي وفقهم بعد شهر او ثنين تسوي ام العروس او ام العريس حفله بسيطه تعزم فيها حبايبهم وقرايبهم وتفرح بتوفيق البنت والولد

...

اما اذا لابد من حفلة الزواج انا اتمنى تكون الصاله مهيئه بعازل للصوت عشان اذا فيه طق ورقص مايوصل الصوت للرجال لان هذا هو اهم شيء بنظري بالاضافه لانتقاء مايرددونه الفرقه بحيث مايكون فيه كلام ماجن

...

فيه شغله اعجبتني ببطاقه زواج لقيتها ببيت صديقتي كان فيها عباره مطبوعه بجانب ممنوع دخول جوال الكاميرا وهي ( يسعدنا حضورك محتشمه ) يعني ماتكون لابسه شيء فاصخ وما الوم اهل هالزواج لان الي نشوفه من النساء شيء كبيررررر
بصراحه انا وحده ما ادعي ألالتزام الكامل فـ ربي وكيلي لكني اكره مظاهر العريّ الي اشوفها بالزواجات
وكأن الاناقه صارت مرتبطه بقلة الحياء والتفصخ : )

انا اشوف السوق واعرف ان الملابس الحلوه دايم تجي عاريه او ضيقه بشكل مقزز او قصيره بشكل مخجل وطبعا هالشيء يقلل من حلاوتها كثير
واشوف وانقهر وادري ان هالشيء غزو فكري لنا كمسلمين
بس احاول قد ما اقدر يكون اللباس محتشم وساتر ويحكي طبيعتي وتربيتي وقبلها ديني.. وبنفس الوقت ماشي مع الستايل الحديث وماهو شاذ عنه
الي اتمناه بهالخصوص ان فكر وتوجه النساء بأمر اللبس يتغير

...

ايضا اتفق مع اخوي ابو القاسم فيما يخص العشاء والاسراف واتضايق كثير من الي نشوفه من عدم تقدير للنعمه
مافيه مشكله نكون كرماء ونعبر عن جودنا وعن فرحتنا بس لازم تكون اعيننا ميزان

..

هذا مالدي الان

شاكره لك اخوي

[The Best]

هلا وغلا اخوي جبرني الوقت


بخصوص العروس او الزواجات فارى ان فيها مناظر كتيرة ليس لها داعي وان كنت اخالف الاساتذة اللي سبقوني في بعض الامور


فانا ارى ان الاسراف موجود لكن لا تنسى اخي الكريم ان في مثل هذه المناسبات (الزود ولا النقص اللي احيانا يقص الوجه)

والسامري والعرضة ورغم اني لست صاحب صوت حلو ولا اعرف العب ولكنني ارى انها افضل من بعض الامور الاخرى مثل المحاورة واللي رأيتها في اكثر من عرس واحسست ان السامري ارحم حتى لو كان فيه ما فيه


اكره العرس البارد يعني اللي اهله او القائمين عليه يتعاملون ببرود مع احداث العرس او مع الضيوف وكل شخص له طريقته واسلوبه في السير بمناسبته

اكره الشباب وخصوصا عيال عمر المعررس اللي ما يشرفون العرس الا بعد صلاة العشاء والمفترض يكوونوون من العصر مستنرين ومضبطين كل شي ولاحقين على الصبغ وتحديد السكسوكة والخرابيط هذي

ايضا ضد اللي يترزرزون قدام الكاميرا وكل صورة الا خشته فيها

احيانا يكون الشي الروتيني شر لا بد منه وهذا ما يجعل الجميع يخاف ان يستبدله بأمور طيبة ذكرها استاذي ابو القاسم



هذا ما لدي والله يكتب للجميع الخير في الدنيا والاخرة واتمنى من شخصكم الكريم الحضور دائما اذا كانت مواضيعك بهذا المستوى من الواقعية والتميز

[جبرني الوقت...]

الله يعطيكم الف الف عافيه على تفاعلكم مع موضوعي وانا لم اضع هذا الموضوع الا اردة التفاعل معي
واذا اردتم الصراحه اتاني احبااااط وخيبة امل انا بعض من اخواننا الذي اردت انهم يتفاعلون معي لم يدلوا بارآئهم ولكن شكرآ لكم أحبتي
ولكم خالص تحيات جبرني الوقت...
ودمتم سااااالمين