السلطه اللـذيـذه

[الياقوته]

السلام عليكم ورحمة الله وبركاته

هذي سلطه سويتها مره ومن بعدها ازعجوني كل عزيمه كل اجتماع كل استراحه يقولون سويها سويها لين انا كرهتها وكرهتهم : )

هم الي سموها اللذيذه عاد مادري تعجبكم او لا

بالصوره هذي جمعت صور المقادير والشكل النهائي ان شاءالله تكون واضحه

http://up3.m5zn.com/photo/2009/5/26/03/68p97c2fp.jpg/jpg






المقادير & الطريقه :

بطاطس وبصل وجزر نقطعهم شرائح طوليه ( سلايز ) ونقليهم بالزيت ولو تلاحظون البطاطس اكبر من الجزر والبصل والسبب انه لو خليناها رفيعه وصغيره بتكون ناشفه شوي

بعدين نجمعهم مع بعض ونحط عليهم ملعقتين كاتشب وملعقه مايونيز ونحركهم مع بعض
واهم شيء ماتكثرون ,, القصد منها ترطيب السلطه شوي بس عشان ماتكون ناشفه

بعدين نصفهم بالصينيه ونزينهم بخبز محمص

بعد كذا نسوي الخلطه ( الصوص ) الي فوق وهو عباره عن :
خردل ( ماسترد(
كاتشب
مايونيز
الباربكيو صوص

والكميه الي بالصوره تقريبا لصحنين
تقريبا ملعقه مايونيز وملعقتين خردل وملعقتين كاتشب ونص علبة الباربكيو
وحقيقه هي مافيه لها مقدار معين يعني حسب ماتحبي تكثري خصوصا ) المايونيز والكاتشب والخردل ) لكن اهم شيء ان الباربكيو هو الي يكون كميته كثيره بالنسبه لهم
وانا لاني ماحب المايونيز فما احط الا ملعقه و اعوضها بالخردل

بعد كذا نحطها على السلطه قبل التقديم مباشره

وبالهناء و العافيه

واتمنى انها تعجبكم وتجربونها طبعا

[همتي ديني]

ياسلام عليك وشلون ماتكون لذيذة وهي من يدينك لاخلا ولاعدم ياحبي لك يام نواف

[فـكره]

من جد شي خوقااااااق
نبيها الخميس باالاستراحه .. تسلم يدياتك حبيبة البي

[الياقوته]

اهلا فيك وغلا همتي ديني

نورتيني

واللذيذ هو حضورك يا حيي

[المهندس]

الله يرج بليسك .. ليتني ماطالعت وانا اخر الدوام ورايح فيها من الجوووووووووع

الله يعطيك العافية ام نواف ...

[الياقوته]

يا هلا فكوره

وتامرين امر بس بشوف الجدول اذا السلطه الدور علي هالاسبوع بسويها : )

نروتي ياعسل

[الياقوته]

ياهلا بمهندسنا ..

زين اننا على اخر الدوام يمديك تروح للبيت وتاكل

بس لاتنسى الدايت : )

نورتني انا و سلطتي ابو عبدالله

حياك ربي

[أخت الرجال]

ررررروعه حبيبتي الياقوته ماشالله احسها لذيذه بشكل مو طبيعي وصدق من سماهاا الذيذه بس خساااره الصوور مو طالعين عندددي

[الياقوته]

افاا مو طالعين عندك ليش

يمكن استعجلتي عليهم شوي

لان الي رد قبل كلهم طالعه عندهم الصور

اذا ماطلعت عندك يا الغلا مستعده احملهم مره ثانيه

كم اخت رجال عندنا .. تدللي

[أبا القاسم]

ماشااااااااء الله ...

تسلمين يا أم نواااااااف ...

تكفي الصورة >> ما قرأ المقادير ...

ودمتِ برضا الله عليكـِ

[الياقوته]

الله يسلم قلبك اخوي ابو القاسم

واقرا المقادير وطبقها وانا اختك .. راح تعجبك ان شاءالله

..

نورتني حياك ربي