ودق التــــــــــلفون ..

[بندول]

السلام عليكم ..


اسعد الله اوقات الجميع بكل خير ..

الحياة تجارب وتبادل للخبرات ..

.. والكل منا يحاول ان يبحر بسفينته مقاوما ً كل عاصفه تعتريه ..

ولهذا السبب ..

نقلت لكم هذا الموضوع ..


احببت ان ارى ارائكم ..


ومنكم نستفيد ...




الموضوع :

يرن جوال ساره..

ألو..
هلا.. هذا جوال ساره (صوت ذكوري ماتعرفه)
لا غلطان...
طيب نوره....
:: طوط :: تقطع الخط بوجهه

((جاب اسمي مجرد صدفه!! ،، او لان الجوال باسمي!! ،، يمكن يعرفني ،،
اذا دق مره ثانيه بتصرف معاه!! )):



دانه جالسه بالصاله مع اهلها..
يرن الجوال برقم غريب..
خذ يا أحمد <~أخوها الاكبر_
رد على جوالي رقم غريب ماعرفه،،
الو.....
هلا....
فيه أحد داق على جوالي!!
يغطي أحمد السماعه بيده،، دانه انتي داقه عليه!!!!
لا والله مادقيت!! ولا بالغلط حتى
((جوال دانه استقبال!!!!!!))
يعود للمكالمه
هلا متى دقينا على جوالك
ــــــــــــــــــــــــــــــ ــــــــــــــ
ما شالله والساعه ست ونص!!
ــــــــــــــــــــــــــــــ ـــــــــ
لا محد داق يالنصاب ياللي فيك ومافيك
يا............ تلعب على بنات الناس
فيك خير تعال قابلني
الله ياخذ....الله.......
ويسكر أحمد ودمه يغلي ويبدى يرغي ويزبد
كم مره دق!؟
قد دق عليك أحد غيره!!
((دانه تهوجس،، ليتني ماعطيته،،
ضيقت صدره على شي مايستاهل!!! ونكدت قعدتنا ع الفاضي!!)):






سديم في السنه الثانيه الجامعيه دق جوالها برقم غريب ت

طالعه بريبه أرد والا ما ارد،،


سديم::هلا..
....:هلا قلبي..
قلبك مين ياقليل الادب يالي ماتستحي يالي.. يالي.. الخ،،
...:أموت عـ المعصبين أنا
كل تراب،، أنت وش تبي أنت!!من عطاك رقمي!!وليه .. ومن قال... الخ،،
بعد ان كثر الكلام
::: طوط :: تقطع الخط بوجهه
رجع دق عليها بوقت متأخر من الليل
أهلين
انت ماتقول لي وش تبي!! ياخي قلت لك ماني راعيه هالحركات ،،
ماعندك اخوات انت!! ماتخاف من ربك!!
>> يدخل ابوها بعد ما سمع صراخها>>
( اقفلت الخط خلسه)
سديم:وحده من صديقاتي!!
نامي يابنيتي ولا تكلمين باخر الليل

يقطع كلامه صوت جوالها يرن
اخذ ابوها الجوال:
هلا ياعمري انتي..
. . . . . . . . . . . . .
الو..
. . . . . . . . . . . . .
ياعسل ردي..
. . . . . . . .
((تنهار اعصاب الاب،، تنهار ثقه الاهل،،
يدخل الاب المستشفى من التعب،، وتحرم سديم من الدراسه ومن كل شي
لين يجيها عريس الغفله!!!))::









جوال سميه دايم سبيل!!
مره بالصاله يلعبون فيه اخوانها،، ومره تاخذه اختها تصور،، ومره،، ومره ،،
نادرا ما يرن ويكون معها!!
دايم تلقى 5 مكالمات لم يرد عليها!!
رن.. رقم ماتعرفه.. بكل بساطه ردت
..............................
الو.. الو.. ( صوت ذكوري لم تألفه )
..............................
هيه ردو.. أكلم صنم انا !!
..............................
وترمي الجوال على الكنبه،، وتخلي السماعه مرفوعه وتكمل حياتها عادي...
واخونا في الله ينتظر احد يرد عليه،

، بعدين اعجبته السالفه يسمع سواليف العائله !!
ساعه وسكّر ... ايه ساعه!!
يدق..في وقت ثاني..
وكالعاده،، ترفع الجوال احد ماتعرفه تخليه ينلطع وتروح!!
((سميه بنظرها انها مريحه بالها من القرقه وكثره اللغي،، وشوله اقول لابوي،
اخوي،اخسّر الي يدق وابرد حرتي فيه!!
يرسل لها بعد مدّه اسماء اخوانها،، حتى اسم شغالتهم!!! ))::









ساره / دانه / سديم / سميه / منيره .. وكل البنات!!
يومياً تصير مثل هالمواقف!!



عزيزتي الفتاهـ / اخي الشاب ،،،



في مثل هالمواقف..




* برأيكـ /ي وش التصرف السليم؟!


ترد! تحقر ! تعطي ابوها او اخوها!


*ماهو ردّ فعل ( الاخ / الاب ) في مثل هالمواقف؟!


*دق أحد يعرفكـ بالاسم وش بتسويـ /ـن؟!


*برايكـ لو كنت مغازلجي لاقدر الله وش الاسلوب الامثل
اللي يفكنا منك عشان ماعاد تدق!!؟




اخيرا ً

هذه مساحه خاصه لمن اراد الاضافه ...
.............................. .............................. .......







.............................. .............................. .........












لكم جل الود ...!

[الوفاء وين وداني]

اهلين اخوي الهواوي

يعطيك العافيه ع الموضوع والطرح الرائع

اكيد وبلا شك بطنش الرقم والحقران يقطع المصران ليه اكبر السالفه وادخل ابوي ولا اخواني

وبخصوص انه يعرف اسمي عادي واذا يمكن احد يمتحني ولا ماخذ الرقم من جوال وحده من البنات يعني واذا عرف اسمي وش فرق

وانا اقول لكل بنت لو جاها ازعاااااااج لاتخاف ولا تنصاع لطلباته حتى لو يرسل من هنا لين الصبح


وسوري ع الاطاله

[الياقوته]

بصراحه الموضوع هذا ينقل واقع كثير من بناتنا الله يحماهن

واعجبني كثير رد الوفاء وين وداني

تطنش ولا تعطي الموضوع اكبر من حجمه ومع الوقت بيمل ويدور غيرها لين ربي يهديه

وبخصوص يعرف اسمها ان شاءالله يعرف شكلها .. دامها واثقه من نفسها ماعليها منه .. يجلس ينبح ( عفوا على هالمصطلح ) لين بعد بكرا ... نهايته الملل

...

اهم شيء البنت تكون قويه بذاتها وواضحه بتصرفاتها قدام اهلها

وهو زي مايسوي فيها بيجي يوم ويتسلط احد على محارمه

..

شكرا الهواوي على الموضوع وحماك ربي انت وشباب وبنات المسلمين

[happy]

يعطيك ربي العافيه اخوي الهواوي على طرحك الراقي وموضوع الجميل
* برأيكـ /ي وش التصرف السليم؟!
ترد! تحقر ! تعطي ابوها او اخوها!
اقول اذا دق رقم التصرف التسلمي انه ماترد عليه واذا دق مره ثانيه اكيد أنه شي ضروري فتعطي الجوال ابوها اخوها



*ماهو ردّ فعل ( الاخ / الاب ) في مثل هالمواقف؟!
الكيد الزعل ماهو على البنت على الي كلم البنت



*دق أحد يعرفكـ بالاسم وش بتسويـ /ـن؟!
اكيد جايب رقمي من الاخويا أو الخويات أو أو أو كثيره مصادر معرفة اسم صاحب الجوال



*برايكـ لو كنت مغازلجي لاقدر الله وش الاسلوب الامثل
اللي يفكنا منك عشان ماعاد تدق!!؟
الله يستر والحمد لله على نعمة العقل لان المغازلجي فيه شي ناقص حاب يكمله يعني نقص بالشخصيه والتصرف الامثل زجره

[فـكره]

موضوع واقعي ومتكرر كثير
اضم صوتي لأخواتي
بس اسمحلي اعبر بطريقتي
انا اصلاً ماارد على رقم مااعرفه بس بعد ماانمسحت ارقام كثيره من عندي صرت ارد .. بدايةً اذا دق الرقم ورديت وطلع غلطان خلاص اعرف رقمه ولاارد عليه مره ثانيه
اذا كان بلشه ويكرر اتصالاته وقتها اسيف رقمه بإسم لاتردين : )
وقتها لو بيدق مليون مكالمه خلاص ماارد .. والتعب عليه
يمكن الشي الوحيد اللي بيضرني فيه ان بطاريتي تخلص وقتها اشبك الجوال باالشاحن : )
بيجي يوم ويمل قسم مع تكرار المكالمات وماراح يشوف اجابه بيمل مهما كان طويل بال
طبعاً مااشوف ان الامر يستدعي انها تقول لأبوها واخوها
دامك واثقه لاتقولين
فلنفرض ان المزعج يعرف اسمها .. اكيد مو مسوي اختراع اذا البنت واثقه من نفسها مالها داعي تكبر الموضوع ياانه يعرفها ويستهبل عليها او جهاز ضايع واخذ الرقم او او او ..... احتمالات كثيره
يعني دامك واثقه لايكبر الموضوع
والتطنيش يمدحونه
مااقول الا الله يشغلهم بأنفسهم .. جد يعني بتحصل بنات بترد عليك وتعطيك وجه
ليش تشغل العالم اللي مالهم بهاالامور
شاكره موضوعك مره اخرى اخوي

[المهندس]

حيــــــــــاك الله اخوي الهواوي واشكرك على هذا النقل .

هذا الموضوع سوف ينتهي عندما يمر الشخص مرحلة المراهقه الى الرجوله . وهذه المرحلة ليست مقرونه بالعمر .

هذا التصــرف لايقدم عليه غير العــاجز واسمحوا لي بإستخدام هذا اللفظ ( غبـــي )


اما معرفة الاســم اعتقد في هذا الزمان الاسم لايهم لانه بإلامكان ان تاتي بإسم اي شخص بطريقة او اخرى يعني الواثق من نفسه لايهمه الاسم او حتى المكـــــــــان ..


إكمال للموضوع انا اؤيــــد فكرة في معالجة الامر ..


دمتم بخير ان شاء الله

[سٌـاﺣـًرھمٍـًﮯﮔـﻠﮩـًمٍـﮯ™]

* برأيكـ /ي وش التصرف السليم؟!
ترد! تحقر ! تعطي ابوها او اخوها!

بالنسبة للبنات التصرف السليم (طبعا اذا كانت خايفه تعلم ابوها او اخوها) انها تطنشه مثل ما قالوا بعض الاخوات



*ماهو ردّ فعل ( الاخ / الاب ) في مثل هالمواقف؟!

أتوقع مثل ما انت ذكرت في الامثله لكن فيه بعض الاباء او الاخوان يكونون متفهمين



*دق أحد يعرفكـ بالاسم وش بتسويـ /ـن؟!

بالنسبه لي كولد عادي..
اتوقع اجابة البنات على هذا السؤال أهم..



*برايكـ لو كنت مغازلجي لاقدر الله وش الاسلوب الامثل
اللي يفكنا منك عشان ماعاد تدق!!؟

بصراحه وبيني وبينكم انا مصر اصرار تام على اعادة المكالمه ولو مليون مره في حالة عدم الرد
والحمدلله اني ماني مغازلجي والا كان كلن دعاء علي
والطريقه الاصح للفكه من المغازلجيين هي ان البنت تخلي اخوها او ابوها يرد
وماراح يدق ثاني مرهـ



اخيرا ً

هذه مساحه خاصه لمن اراد الاضافه ...
.............................. .............................. .......

انا اذكر لك مثال

قبل فتره ليست بقصيره

صار لأحد قريباتي مثل الي انت ذكرت

دق عليها واحد غلطان وقام يتفلسف عليها

هي طبعا ً كانت توها عاقده قرانها وبتتزوج

انا كنت مسير عليهم ومن حظها اني محرم لها

والبنت كان عندها اخوانها بس جابت الجوال لي

وقالتلي السالفه

سألتها قالت خايفه لا يتهمونها

وهذي حال اغلب البنات

والحمدلله اني كنت عندهم ذيك الليله

واشوا ماعاد دق ثاني مره

أشكرك اخوي الهواوي على طرح هذه الفكره

وطرح النقاش فيها

وأشكرك على اتاحة الفرصه لنا بابداء آرائنا حولها

مودتي لك





.............................. .............................. .........

[بندول]

مروووور (خلي خوبي) من الجميع ..


تقريبا ً وجهآت النظر وحده والاغلبيه اتفقوآ على التطنيش ..


لاهنتوآ جميعا .. معرف يتبع معرف ..


...

[الخنساء]

موضوع الازعاج 00بالاتصالات 0قديم قدم تطور السعوديه من التلفون الثابت حين عمم على السكان من 50 سنه واكثر الى
المحمول 00والانتر نت 00وماحمله علي المسلمين من خير وشر ؟
اضيف 00ان من طق باب اناس طقو بابه ؟حكمه متداوله
((عفوا تعف نسائكم))
1 --من اسلبيات مجتمعنا كسعوديين ان المحمول يوفر للجميع خصوصا ((البنات ))0يبي يزعل البعض00رئي شخصي ؟؟؟
مع ان مجتمعنا الي وقت قريب مستغنى عن وسائل الاتصال 00وماشيه حال الحريم من احسن مايكون لايوجد مشاكل ازعاج

ولا مشاكل ترهق ميزانيه ااولياء الامور--اشحن لي ؟--جوالي خربان -- ابي مثل جوال فلانه --

ومشششششاكله لاتعد ولا تحصي ؟؟؟؟؟؟؟؟اذاكان اداة لتخريب البيوت--- ونشر الفتنه -- والاسراف
-----------------------
مع ان الغرب لايستخدم المحمول الاادة اتصال لتسيير الاعمال --المهمه
((يعنى اداة تشغل للاهداف العمليه الملحه )) ناخذ من تجاربهم المفيده ((ولا نجعلهم قدوه )
اللهم صل على محمد وعلى آله وصحبه أجمعين

[بندول]

أختي الخنسآء بآرك الله فيك ..


وجه نظرك على العين وعلى الرآس ..


ولكن اختلف معك في هذه النقطه ..


لم اجلب هذا الموضوع لاأمنع بنآتنا من استخدام الجوال ..


ولكن لامآنع ان يستخدم ان لم يكن هنآك تحريم من اقتنآءه ..


اما بالنسبه للغرب وطريقة استخدآمهم للنقال او الجوآل ..


هنآك طرق للغرب ان استخدمنآها بشكل جيد تؤثر على حيآتنا اليوميه بشكل ايجابي ..

ولكن تقليدنا لهم في هذه النقطه اسمحي لي ان اسميه تقليد أعمى ..


في الغرب تكون المرآه ليست مقيده بشروط وضوابط .. فتخرج متى ماأرادت وتذهب لأي مكـآن .. اي انها لاتمل عادة بسبب الجلوس بالبيت ..


اما نحن ولله الحمد في بلد اسلآمي .. وتعاليمنا الاسلاميه لاتسمح للمرآة بالخروج من المنزل لأتفه الاسباب ..

فتجلس بين هذه الجدرآن .. ويصبح الجوآل خير لها لمعرفه اخبار صديقاتها وتسليتها ..


ولكن هنآك بعض الفئات من البنات والشباب يستخدم هذا الجوال بطريقه خاطئه وهذا مايؤدي الى الضيآع ..

هذآ ابسط مثآل ..

...


اشكرك ع المروور مرة اخرى ..

[ALQNAS-20]

لاترد ع ارقام غريبه

واللي تبيها اكيد بترسل لها رساله تقول انا فلانة

وانتهت المشكلة...

وفي خدمات جديدة حلوة تمنع الازعاج بحجب رقم المتصل

ومشكووور خيووو ع الموضوع الحلو

[The Professor]

أشكرك أخي الهواوي ع الموضوع المفيييد ويعطيييك العاااافيه

بس عن إذنك يالهواوي أبي أضع مقدمه قبل أن أجيب ع الأسئله

غالبا البنت اللي ما عنده لف ودورااان ما تواااااجه المتااااعب والمصااااعب

برأيكـ /ي وش التصرف السليم؟!
عدم الرد على المتصل لو أتصل مليييييون مكالمه فإذا كانت صديقه فعندما تيقن أنكي لن تردين على هاتفك فسوف ترسل لك رساله وتقول ردي أنا فلانه.



*ماهو ردّ فعل ( الاخ / الاب ) في مثل هالمواقف؟!
نبدأ بالأخ : أولا إذا كااان جاهل فسوف يلقن أخته ويضربها ضرب مبرحا

وأما إذا كان رجل مثقفا فسوف يتعامل كأخ واثق من تصرفااات أخته ويتفهم الموضوع بكل درااايه وعقل

أما الأب فإن كان أب تصرفاااته عنيفه فأعتقد البنت سوف يحصل لها من الضرب والإهانات الكثيييره

وأما إذا كان أب لطيفا ودودا في تعامله مع بنته فالبطبع سوف يتصل على ذالك الشااب ويكلمه ويفهمه أن هذا الشيء غلط وتنتهي المشكله.



*دق أحد يعرفكـ بالاسم وش بتسويـ /ـن؟!

عدم الرد ولو أتصل المتصل وأزعج عدة مرااات فأنصحها بعدم الرد مطلقا



*برايكـ لو كنت مغازلجي لاقدر الله وش الاسلوب الامثل
أحسن شيء لتقهر المتصل لاترد عليييه وهو من نفسه أكيييد راااح لن يكررها بإتصالاته وإزعاااجاااته


أقدم شكري لك أخي الهواوي

[بندول]

القناص ..20 .. البروفسور ..


مشكووورين على المرووور ..

لاهنتو ..

[Τђĕ றẳŠţèя]

بصرآحه مافي اضافهـ
اللي قبلي ماقصرووا
طبعا التطنيش انسب حل

واعجبني رد فكره بالحيل
واعتقد انه التصرف المطلوب بمثل هالموآقف

لكـ جل الحب والتقدير والاحترآم هوآوينا

[الخنساء]

-فتجلس بين هذه الجدرآن .. ويصبح الجوآل خير لها لمعرفه اخبار صديقاتها وتسليتها ..
هذاماقلت هواوي========================= ============================== ===

المراه جلوسها بين جدران بيتها هو الذي حث عليه ديننا وقراننا الكريم (وقرن في بيوتكن )استثنى من ذالك خروجها للدراسه وطلب العلم
اوللعمل بستر وحشمه ؟000000 اما مسئله انك تؤيد الجوال بيد البنت ((لانها هي المعنيه بموضوعك ))وتطرح حلول للاذي لذي تتعرضله
اقول للاخوان المشاركين ولك المحمول ادة خير وشر
وجود المحمول بيد البنات خصوصا الصغيرات ؟ من اكبر لاءخطاء التي يقترفها ولى الامر لما تجره عليهن من فتنه وشر ؟ وليس جهاز تسليه ؟مع احترامى لرئ الهواوي
خصوصا عدم الادراك لعواقب الامور وقل التجربه ناهيك عن ضياعه او سرقته اوعمليات الاصلاح التى يتسرب منه الصور والاسرار العائليه
مثل ماقلو الباب اللى يجى منه الريح ((سكره افضل ))؟
اعيد الكلام ((اكيد ماقريته با لمداخله السابقه ))
ناخذ من الغرب مايفيد وماهو مباح ؟؟اسال الله العظيم ان يستر نسائنا ونساء المسلمين؟
نعوذ بالله من شرور انفسنا وسيئات اعماتنا
اللهم صل على محمد وعلى آله وصحبه أجمعين