من هم المطران .. ؟ وإلى أي قبيلة ينتسبون ( أهل الرديفة ) ؟

[ابو حاتم]

السلام عليكم روحمة الله وبركاته

يمكن تقولون هذا مهبول ولكن والله حقيقة يا اخواني .. الكثير من الابناء والاخوان لا يعرف
الى اين ينتسبون مطران أهل الرديفة ..
قبل كم يوم وصلني خبر انه كثير من الشباب يعتقدون ان نسب أهل الرديفة وهم المطران يرجع الى قبيلة المطران الكبيرة ..

ولكن هذا الشي غير صحيح ويرجع المطران الى جد اسمه مطير .. ويجتمعون هم والهرشان في جد ومع الصويان في جد اخر ..

فاحببت ابين هذا الشي حتى يعرف الناس انه ليس من قبيلة مطير ولكن فخذ من افخاذ شمر وهم شمامره ..

يروي احد الرجال انه يوم من الايام اتى رجل الى الشيخ نايف القبلان رحمه الله رجل من منطقة قريبه من تربة تسمى المطيريه لان سكانها مطران من قبيلة مطير حظر مجلس نايف وكان يتكلم مع نايف ويقول له لا ياخذون اراضيكم الشمامره ولا يزحمون حدودكم واحذرو منهم .. فابتسم الشيخ نايف وقال له يا ولد احنا صحيح من المطران ولكن لسنا من مطير اللي انت منهم نحن مطران فخذ من افخاذ شمر فاستحى الرجل وخرج خجلان على ما فعله وتحذيرهم من عيال عمهم ..


احببت اشارك في هذا الموضوع للتوضيح قد يكون الكثير يعرف ولكن هناك من لا يعرف ..

ابو حاتم

[بندول]

ههههههههههه

وش دعوى يابو حاتم ..

عارفين كل شي .. ونعم فيكم ..

ولا احد يقدر يشكك بهذي ..

لاهنت ..

[اسم العضو]

ونعم فيك ونعم فبهم

[ويباري الحفر]

حبيبي ابو حاتم المطران منا وحنا منهم والي مايعرف مو لازم يعرف لان الي يبي يقول المطران مو من الويبار او لعفاريت بالاصح نقول انت منت منا ويكفي من المطران رجل واحد بس (((( نايف القبلان ))) الله يرحمه ويخلي عياله على دربه

[ابو حاتم]

الف شكر على ردكم

ولكن السالفة مو سالفة يطلعونهم او ما يطلعونهم
جهل منهم وضعف في المعرفة وخاصه الشباب الجديد
يعني ما يدرون من وين المطران .. هذا بسبب عدم احتكاكهم با الكبار
وعدم سؤالهم من يكونون هؤلاء الاشخاص ..

انا ما اقول انه يطلعون المطران من الويبار عن قصد ولكن جهل بسبب الاسم فقط..

والله لو ما وقفت على هذا الحدث لما كتبة هذا الموضوع يعني الكثير يقول
من الصعب تصديق هذا الشي بس والله هذا الشي حصل من شباب
لا يعرفون المطران هل هم من الويبار او لا يقولون والله نحسبهم من المطران
يعني قبيلة مطير وساكنين في الرديفة وهذا حصل قدام عيني ..

[happy]

المطران ونعم فيهم واحد واحد رجال قول وفعل

[العمدة]

ههههههههههههههههههه


يكفي من هالموضوع ذكر القصة الطريفة للشيخ نايف رحمه الله


مشكور ياأبا حاتم وفعلا هناك من الشباب أو الجيل التالي كما يحب ان يطلق عليهم كبار السن... لا يعرفون اين يرجع كثير من العوائل والسبب معروف عدم الأختلاط... مع كبار السن

[هــدلان]

ابا حاااااااتم الغالي

....

صدقت والله الكثير من الشباب يعتقد هذا لعدم معرفه

والله والف نعم بالخوال

نكن لهم الاحترام جميعاً

رحم الله والد جدتي عايد ابو شعيفه رحمة واسعة

شكرا ابو حاتم

[The Professor]

مشكور أبو حاتم ع التوضيح

ونعم بالخوال وكذالك ونعم بخالي الشيخ نايف القبلان الرجل الكريم اللي دائما يفتح

بيته للضيوف وفي كل وقت

(لكن مع احترامي للشباب اللي ما يعرفون نسب عيال عمهم مهم رجال )

[abu meshari]

الله يعطيك العافية ( ابو حاتم ) موضوعك مهم للغاية خصوصا ان معظم اعضاء منتدانا شباب وبعضهم لم يسكن بالاجفر ..

[المهندس]

ونعم بالخـــــــــــوال
ومشكور ابو حاتم على التوضيــــــح لمن لا يعرف هذا الامر

[مسحب جوالين]

يعطيك العافيه (ابو حاتم)
ونعم من اهل الرديفه



تنشد عن المطران ماهم خفيين
اهل رباع شامخ العز مبناه
منهم سمي السيف يقطع بحدين
سمح النباء يضحك حجاجه لمن جاه

[نايف الناهي]

صحيح يابوحاتم ,انا اعرف الكثير يحسبونهم من مطير القوم


لاهنت على الموضوع

[الياقوته]

ليش تستغربون !!

انا وحده اسمع بالمطران ولا عمري فكرت اسأل وكنت احسبهم من قبيله مطير

الى وقت قريب عرفت انهم من شمر : )

عدم المعرفه ماهو عيب خصوصا للي ماسكن الاجفر .. او الي احتكاكه بناس قليلين منهم

طبعا عدم معرفتي لاني كنت اتكلم مع الناس وهم يقولون مطران ظنا مني اني اعرف لايش يرجعون
وانا طبعا ماعمري فكرت اسأل لان احسب المعلومه الي عندي صح انهم من قبيله مطير

والي خلاني اسأل من وقت قريب هو استغرابي وجودهم بالاجفر والي حولها يعني بعد مصممه انهم من مطير بس اقول وش يبون بحايلنا : )<< تحسب حايل حكر لشمر ترا

وبصراحه بعد ما سألت الوالد واجابني باسهاب كامل وشامل عن مطراننا عرفت ان ماعندي سالفه
ومسكت كل الي اعرفهم وجلست اوضح لهم

صح المعلومه وصلتني متأخره كثير .. بس كويس انها وصلتني

والنعم والف نعم بالمطران .. الله يعز شانهم ومقدارهم

ومشكور عمنا ابو حاتم انك وضحت المعلومه .. والي مايعرفك يجهلك

[الأسيرة]

ياهلا ابو حااااتم
الف شكر ع التو ضيح بعد مو ضوعك هذا سالت بعض الشباااب الي حولي
ما كانو يعرفوون شيء وبعضهم رد انهم من قبيلة مطييير

وانا سالتهم هاالسؤاااااال لاني مقتنعه بضرورة وجود هاالتوضيح منك اخوي ابوحاتم ومن غيرك وفي هاالشيء وفي اشياء اخرى

وانا عن نفسي ماعرفت ان المطرااااان ويباااااااااار الا السنه المااااااااضيه

بعد توضيح من شخص قريب لي ,,وطول عمري فاكره انهم من قبيله مطييييير العريقه وان جدهم اتربى مع اجدادناا في الاجفر.....

الله يجزاك خير ع التوضيح الي الكثير بحااجه له...خاصة البعيدين عن الاجفر وعن سماع اخبار اهلهم وابناء عمومتهم........

تحياتي
الاسيرة

[فالح الناهي]

ونعم بالمطران

معروفين

موضوع رائع أخوي

أبو حاتم

[حائل]

ألف شكر أبو حااااتم على التوضيح وألف نعم بالمطران وموضوع قيم نحتااااج لمثله كثير لكي نعرف شجرتنا وأصولهافجهل البعض في مثل هذه الأمور ليس عيبا ً ولكن العيب هو استمرار الجهل وياليت يكون هناك سلسلة عن مثل هذي المواضيع يشرف عليها أناس من ذوي الخبرة وتكون بمثابة المرجع للأجيال القادمة بإذن الله

[مجرد زائر]

كل الشكر والتقدير لك اخوي ابو حاتم على التوضيح

[ابو حاتم]

الف الف شكر لكم اخواني على هذا التفاعل وعلى هذه الردود

والله صحيح مو عيب عدم المعرفة ولكن الاصرار على عدم المعرفة هو العيب ..

اخوي حائل صحيح المواضيع قيمة التي تتكلم عن افخاذ الويبار ومن هم فالاقرب الاقرب .. الى ان نصل الى ابعد جد يعرفه الشيبان وهذا جميل والله ..
ان شالله نحاول نجد مثل هذه الزاوية في منتدانا للتعرف على فخذ من الويبار ..
اقتراح حلو وجميل ولكن نحتاج الى راوي مضبوط ..

[مــهــلا ايتها الحياة]

ونعم والف نعم بعيال العم 000

بس ياليت يابو حاتم وعلى قولتهم ( كمـل جميلك ) 000

تأتي بشجرة لهالفخذ من الويبار وهل تجمعهم فقط بالاجفر وماجاورها ام ان لهم

مناطق اخرى 000

لكي تكون المعرفة اكثر للجميع 000

شاكر لك يالغالي 000

[ابو حاتم]

ان شالله من عيوني يا مهلاً

وان شالله بشوف كل شي وبنزله يالغالي ..

[شــرقاوي]

الي مايعرف ياعله مايعرف

والي يبي يعرف يلقا الجواب الكافي


شكرأ ابو حاتم وماعليكم زود يااخوان

[البحري]

يعطيك العافيه ياابـــــــــــو حــــــــــــــــــــاتـــــــ ـــــــم على هذا التوضيح الجميل ...... تقبل مروري اخـــــــــــــووك البحــــــــــــــــــــــري

[مجد]

مشكور ابو حاتم على التوضيح

والنعم بشمر كله

[من الخفجي]

ردأ على سؤالك يابو حاتم.


منهم المطران ؟


هم فخذ من افخاذ الويبار


منهم المطران؟

هم ابناء مطير ومطير هذا رجل من رجال الويبار رحمة الله عليه..


منهم المطران ؟

هم أل منصور وأل صنيدح وأل درويش ...والشواهرة

منهم المطران ؟

هم بمثابة الجبهة من الراس.

ويكفي المطران فخرأ ان منهم ..

الشيخ الكريم نايف القبلان رحمة الله عليه...


ويكفيني ان اقرب صديق لي هو....من المطران...وهو الغالي ابو خالد محمد الخلف

شكرأ ابا حاتم.

[اسم العضو]

ونعم والله

[سفاح الريس]

يعطيك العافيه على المعلومه وتقبل مروري

[صف النيه]

وستين نعم يوم حل طاريهم شي معروف
وتشكر يابو حاتم
على التوضيح للبعض