يمــــــــــــــــــــه توسخ مريوولي؟؟؟؟؟؟؟؟؟؟

[أخت الرجال]

يـــمـــه تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟

يــمـــه ...
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!

يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..

يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح


يمه مريولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...

يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا






يــمــه
يالله خلاص لاتمزحي
يالله قومي
تعالي معي للبيت ارجعي



يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...


يمممه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..

أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي

...الله يخلي كل امهاتنااااا ويحفظهم من كل مكرووووووووووووووه

[Τђĕ றẳŠţèя]

...الله يخلي كل امهاتنااااا ويحفظهم من كل مكرووووووووووووووه

اللهمـ آآمينـ
اختنا اختـ الرجال
مهما قلنا فيـ الوالده ماراحـ نوفيهآ حقها
مشكوره اختي

ماننحرمـ جديدكـ

[The Best]

يمه ارجواك اسمعي

يمه تكفين ارجعي

وانهي بقايا موجعي



الدنيا من عقبك حطام

دنيا عليها السلام

دنيا من دونك

حزن

دنيا من دونك

هموم


يمه ابيك معي

في كل اجزاء الحياة

في مجلسي
وفي ملبسي
وفي مخدعي


يمه تكفين ارجعي


...

عندما يتحدث الابداع يوما فانه سيقول ان له مصادر وانك ابرز هذه المصادر التي نستمتع بما تطرح

اشكرك اختي على قوة وحزن الطرح والله يخلي لنا اماتنا الحيات ويغفر للميتات ويتجاوز عنهن

[الأسيرة]

الله الله ع الابدااااااااااااع اختي الغااااالية اخت الرجال

كلمااااات شجنية راااائعه

قراتها اكثر من مرة لروعتها ولروعة كاتبتها

الله يحفظ امهاتنا ويديمهم يااارب

ننتظر مزيد من هذا الابدااااع

تحياااااااتي
الاسيرة

[المهاجـــر]

أخت الرجال

أشكرك جزيل الشكر لك على هذا الطرح الرائع والمميز ..
الله يخلي لنا وللمسلمين أمهاتهم .. وان يطول بأعمارهم


مــــــــــــودتي

[العقرب]

والله شفت الموضوع دخلت ابي اضحك وكتبت هذا الرد وانا ابكي

[أخت الرجال]

كل الشكرررررررررررررر لكم اخواني على مررررووووووركم

[kaka22]

اخت الرجال صدقيني اني افتخر ان تكون اختي حاملت وصادقة المشاعر

[كريزي مان]

اخت الرجال كلامك اضفى على عيني سواد كعتمة اليل من شدة الاثر بكلمات عجنت بروح الام وجنانهاوسقى الدمع مقلتية من اسى فتح ابواب الجراح الدامية اخت الرجال حقا الف الف شكر على هذة الكلمات الدافئة والوجدانية الخلاقة تقبلي طول تعليقي ولكنك تستحقين الثناء

[طير حوران]

بسم الله الرحمن الرحيم



يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟


براة الطفوله والله ابيات غايه في الروعه

اقرءها والدموع على وشك النزول

حزينه لكن جميله في نفس الوقت

مشكوره على هذا الابداع أخت الرجال

الله يخليلن أمهاتنا..

[النادر]

اه ...................

الله يحفظ الجميع ...

[أخت الرجال]

كل الشكـــــــــــــــــــر لكم اخوووواني على المرررررررررروووووووووورررررر

[العمدة]

وهل من يقرأ هذه الرااائعة يستطيع التعليق؟؟؟؟؟؟؟؟؟؟؟؟؟؟؟


لا أقول الله يحفظ امهاتنا وامهات المسلمين ويرحم الأموات


الحقيقة فقد الأم يعني قفد الحياة,فقد النكهة ، فقد الأمان،، فقد الحنان،،،،
يعني فقد كل شيء

[فالح الناهي]

أختي / أخت الرجال

صح ذوقك .. وسلم بنانك

كلامات تناولت أرقى وأعذب وأحن مخلوق

الأم


هذه الهرم الأنساني

الذي لن ولم نوفيه حقه مهما فعلنا وقلنا

أختي >>>

خاطرة جميلة بجمال الأم

حروف حانية بحنان الأم

عبارات إشتياق لا يستحقها إلا الأم

حفظ الله لنا الأحياء من أمهاتنا وآبائنا ورحم الميتين منهم ..

وأعاننا على برهم أحيائاً وأموات

دمتي ودام أحبابنا


...

[محمد العواد]

صح لسانك اختي اخت الرجال

والله كلمات مؤثره خصوصاً انها في الام

اشكركما انتما الاثنين انتي وقلمك